Te fundit
Nga Hormuzi te sanksionet/ Çfarë parashikon draft-marrëveshja SHBA-Iran, zbardhen pikat kryesore të planit
17 Qershor 2026, 20:29Bota
TEMA
Një zyrtar i lartë amerikan ka dhënë detaje mbi përmbajtjen e një memorandumi mirëkuptimi mes Shteteve të Bashkuara dhe Iranit, duke zbuluar pikat kryesore të një marrëveshjeje 14-pikëshe që synon uljen e tensioneve dhe ndalimin e konfliktit.
Sipas informimit të publikuar nga rrjeti amerikan NBC News, marrëveshja përfshin një sërë angazhimesh të rëndësishme në fushën ushtarake, ekonomike dhe bërthamore.
Një nga pikat kryesore është ndalimi i menjëhershëm dhe i përhershëm i operacioneve ushtarake në të gjitha frontet, përfshirë edhe Libanin.
Dokumenti parashikon gjithashtu hapjen e Ngushticës së Hormuzit, ku Irani do të garantojë kalimin e sigurt të anijeve tregtare për një periudhë fillestare 60-ditore, në bashkëpunim me Omanin dhe vendet e Gjirit, me synimin për një marrëveshje afatgjatë.
Në aspektin bërthamor, SHBA dhe Irani bien dakord që Teherani të mos zhvillojë kurrë armë bërthamore, ndërsa procesi i heqjes së materialit të pasuruar do të zhvillohet nën mbikëqyrjen e Agjencisë Ndërkombëtare të Energjisë Atomike (IAEA).
Marrëveshja parashikon gjithashtu heqjen graduale të bllokadës detare amerikane menjëherë pas nënshkrimit, me përfundimin e plotë brenda 30 ditëve.
Palët angazhohen të negociojnë një marrëveshje përfundimtare brenda 60 ditëve, me mundësi zgjatjeje në rast dakordësie të ndërsjellë.
Një tjetër element i rëndësishëm është krijimi i një fondi zhvillimi prej të paktën 300 miliardë dollarësh, në bashkëpunim me partnerë rajonalë, për rindërtimin dhe zhvillimin ekonomik të Iranit.
Sipas draftit, SHBA-të gjithashtu zotohen të heqin të gjitha sanksionet kundër Republikës Islamike të Iranit, duke shënuar një ndryshim të madh në politikën e deritanishme të Uashingtonit ndaj Teheranit.
Marrëveshja pritet të jetë pjesë e një procesi më të gjerë negociues që synon stabilizimin e marrëdhënieve dhe uljen e tensioneve në Lindjen e Mesme.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
AIEA do merret me uraniumin e pasuruar, ngushticēn e Ormuzit e monitorojn amerikanēt, puset e naftēs i vēzhgon Kina dhe ushtrin e menaxhon Rusua, kēshtu qē paqa ishte formalitet i rradhēs.Ēshtē lajm i mir pēr Dubain se rinis sezoni turistik, pēr Indin se heq tallonat e naftēs me numrat çift tē targave dhe numrat tek ditēn e nesērme.Gjithashtu dhe pēr kontinentin afrikan qē nga mungesa cerealit, vdiqēn miliona njerēz urie ( gra, fēmijē).Mē mirē njē marrveshje vagē se pa marrveshje.
Mero pak dite me pare botove nje perkthim se ishte rene dakort qe Irani te vendose tarifa ne Hormuz. Pra btove nje genjeshter. Ndaj behesh i pa besushem sepse perkthen pa analizuar e harxhuar pak kohe te shikosh sa e vertet eshte ajo qe perkthen dhe sepse boton ato qe te pershtaten ideologjikish jo te verteten pavarsisht nga cfare beson. Je genjshtar Mero