Te fundit
Pekini: Do shtypim me çdo mjet separatistët tajvanezë
15 Gusht 2022, 21:50Bota
TEMA
Zëdhënësi i Ministrisë kineze të Mbrojtjes, Wu Qian ka deklaruar se Kina do të vazhdojë me stërvitjet ushtarake në ngushticën e Tajvanit në mënyrë që të rrisë gatishmërinë luftarake ndaj çdo përpjekjeje për të shkëputur ishullin siç thotë ajo nga territori i vet.
Në një deklaratë për mediat, Qian theksoi se Ushtria kineze do të shtypë separatistët tajvanezë me çdo mënyrë dhe do të bllokojë të gjitha fuqitë e huaja që të ndërhyjnë.
Deklarata vjen ndërkohë që në Taipei ndodhet për vizitë dy ditore një delegacion i Kongresit amerikan që drejtohet nga senatori Ed Markey.
Ajo pason një vizitë të kryetares së Kongresit, Nancy Pelosi në ishull, që provokoi edhe tensionimin e situatës. Kina vendosi sanksione ndaj Pelosit, duke vënë në dukje se akte të tilla i hedhin benzinë zjarrit.
Tajvani administrohet që nga viti 1949 nga një administratë e veta pasi aty u strehuan forcat e Kuomintang të drejtuara nga Chiang Kai-shek, i mundur në betejën me komunistët e Mao Tse Dung.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mos flisni sh se ju del boja, do ti djegim, do ti shtypim etj…etj…populli shikon veprimet dhe paradat per show….!!!!!!!
Ato çupërlinat që përkthejnë artikujt nuk e kanë idenë si shqiptohen prej kohësh në shqip emra të njohur kinezë si Çan Kai Shi dhe Mao Ce Dun. Duhen redaktime pas përkthimit. Mos përroni, mos ulni nivelin e gazetës.