Te fundit
Prezantuesit afganë "maskohen" për të mbështetur koleget pas dekretit të talebanëve
25 Maj 2022, 14:31Bota
TEMA
Prezantuesit televizivë në Afganistan po mbajnë maska për fytyrën në ekran për të treguar solidaritet pasi talebanët lëshuan një urdhër që të gjitha gratë në kanalet e lajmeve duhet të mbulojnë fytyrat e tyre.
Në një protestë të quajtur “#FreeHerFace” në mediat sociale, burrat në “Tolo News” mbanin maska për të imituar efektin e mbulesës së fytyrës që koleget e tyre gra janë detyruar të mbajnë pas një goditjeje talebane.
Ministria e Talebanëve për Përhapjen e Virtytit dhe Parandalimin e Veseve urdhëroi të gjitha mediat afgane të përdorin maska për prezantueset gra. Vendimi ishte përfundimtar dhe nuk kishte vend për debat, tha ai.
Gjatë nëntë muajve të sundimit të talebanëve, prezantueset janë detyruar gjithashtu të ndërrojnë rrobat e tyre të preferuara shumëngjyrëshe me fustane të gjata.
Në një intervistë për CNN, ish-presidenti afgan, Hamid Karzai, ndër të tjera, u bëri thirrje prezantueseve gra që të sfidojnë urdhrin e talebanëve dhe të mos mbajnë maska.
Llogaria zyrtare e Talebanëve në Të itter iu përgjigj Karzai-t: “Në dy dekadat e fundit, zoti Karzai donte çdo lloj lirie për motrat afgane dhe hapte rrugën për liritë për t’i bërë të huajt të lumtur, por gruaja e tij nuk u shfaq në asnjë media”.
Ministria e Përhapjes së Virtytit dhe Parandalimit të Veseve ka bërë të ditur se mbajtja e hixhabit është “e domosdoshme”, ndërsa lloji më i mirë është burka dhe hixhabi i zi arab.
Sipas urdhrit të ri, në rastin e parë të mosbindjes së urdhrit, talebanët do të këshillojnë dhe udhëzojnë gruan e pambuluar; si hap i dytë do ta paraljmë rojnë atë; hapi i tretë është tre ditë burg. Si hap i katërt, kujdestari i gruas së zbuluar do të dërgohet në gjykatë dhe do të dënohet me një dënim të duhur.
Në muajt e parë të sundimit të fundit taleban në Afganistan, një udhëzim e bëri hixhabin të detyrueshëm për gazetaret gra, por jo të gjitha gratë e respektuan. Megjithatë, deri në shtator më pak se 100 nga 700 gazetaret gra në Afganistan ishin ende duke punuar.
Një prezantues tjetër mashkull, i cili nuk deshi të përmendet emri, tha se ndërsa mbante maskë dy ditët e fundit e kuptoi se sa e vështirë është të jesh grua në një vend si Afganistani.
Sahar Fetrat, një aktiviste feministe afgane që punon për Human Rights Ëatch, i tha Guardian: “Gazetarët meshkuj kanë mbajtur maska për fytyrën. Ë shtë një akt i madh. Është një nga rastet e pakta ku burrat afganë po bëjnë diçka simbolike, sepse e gjithë rezistenca dhe protestat kundër vellos deri më tani kanë qenë nga gratë ”.
Më të lexuarat
24 oret e fundit
Javen e fundit
Blog Tema
Lini një Përgjigje