"Anëtarësimi i Ukrainës në BE do të dojë dekada"

Pas nisjes së agresionit rus në 24 Shkurt, Ukraina paraqiti një dokument në Bashkimin Europian për të kërkuar një anëtarësim të shpejtë, por udhëheqësit gjermanë dhe francezë thanë se do të duheshin dekada që Ukraina të pranohej në BE.

Ministri francez i Shtetit për Çështjet Europiane Clement Beaune tha në një intervistë me një radio lokale se mund të duhen 15 ose 20 vjet që Ukraina të anëtarësohet në BE.

Lidhur me këtë, presidenti ukrainas Volodymyr Zelensky  u shpreh se beson se Ukraina ka qenë gjithmonë pjesë e Europës dhe mezi pret të marrë statusin e kandidatit për në BE në Qershor.

Qëndrimi i BE-së për këtë është i qartë. Në takimin e Këshillit Europian të mbajtur në Mars, liderët e disa vendeve anëtare të BE shprehën qartë kundërshtimin e tyre ndaj anëtarësimit të shpejtë të Ukrainës në BE.

Kancelari gjerman Olaf Scholz tha se nuk do të kishte rrugë të shkurtra në ofertën e Ukrainës për t’u bashkuar me BE. Presidenti francez Emmanuel Macron gjithashtu uli shpresat e Ukrainës për një pranim të shpejtë në BE. “Procesi i cili lejon Ukrainën të anëtarësohet do të zgjasë disa vite, dhe ka shumë të ngjarë disa dekada”, tha ai.

Rusia nuk ishte e shqetësuar për anëtarësimin e Ukrainës në BE. Por situata në Ukrainë ndryshoi, po ashtu edhe pozicioni i Rusisë. Rusia beson se BE-ja është përafruar plotësisht me pozicionin e Organizatës së Traktatit të Atlantikut të Veriut (NATO) të udhëhequr nga Shtetet e Bashkuara.

Me ironi, zëdhënësja e Ministrisë së Jashtme ruse Maria Zakharova është shprehur se nuk është më Bashkimi Europian por është thjesht departamenti i NATO-s për marrëdhëniet ekonomike që tanimë do të vendosë ose jo për anëtarësimin.

Duke gjykuar nga përgjigjet e liderëve francezë dhe gjermanë, duket se anëtarësimi i Ukrainës në BE nuk do të jetë i lehtë, gjë që bën një lidhje me qëndrimin e mëparshëm të NATO-s ndaj anëtarësimit të Ukrainës.

Disa shtete kanë nisur vaksinimin, OBSH: Lia e majmunëve nuk do kthehet në pandemi

12:44 Bota 1 koment

Kryeministri sllovak i alarmuar: Nëse Rusia mposht Ukrainën, ne do të jemi të radhës

12:38 Bota 1 koment

2 ton perime dhe fruta rriten në çatinë e një supermarketi në Bruksel

12:34 Bota

Kanadaja blen municione artilerie për t’ia dhuruar Ukrainës

12:31 Bota 1 koment

Tortura dhe dhunë e shfrenuar, pamje nga kampet e riedukimit të ujgurëve në Kinë

12:15 Bota 1 koment

Çfarë po ndodh? Koreja e Veriut fillon testimet e raketave

12:00 Bota

BE: Së shpejti sanksione të reja kundër Rusisë

11:37 Bota 1 koment

SHBA i jep goditjen e radhës Rusisë

11:23 Bota 2 komente

Rusia miraton projekligjin që i lejon të mbyllë mediat perëndimore në Moskë

11:10 Bota 1 koment

Rusia vazhdon përpjekjet për të rrethuar qytetet kryesore në Ukrainë

10:19 Bota