Te fundit
Rutte konfirmon se reduktimi i forcave amerikane në NATO ka hyrë në fuqi menjëherë
18 Qershor 2026, 10:30Bota
TEMA
Sekretari i Përgjithshëm i NATO-s, Mark Rutte, ka konfirmuar se ulja e kontributit të Shteteve të Bashkuara të Amerikës në forcat e reagimit të aleancës në rast krizash ka hyrë në fuqi menjëherë.
Duke folur para takimit të ministrave të Mbrojtjes të NATO-s në Bruksel, Rutte ka thënë se vendimi është tashmë aktiv, por theksoi se nuk duhet parë si dobësim i aleancës.
“Dje pyetja ishte nëse kjo hyn në fuqi menjëherë apo jo. Po, hyn menjëherë në fuqi”, ka thënë ai para gazetarëve të enjten.
Megjithatë, Rutte sqaroi se bëhet fjalë për një instrument planifikimi ushtarak dhe jo për një tërheqje të SHBA-së nga angazhimet e saj ndaj NATO-s.
“Nëse do të shpërthente një luftë, të gjithë aleatët, përfshirë SHBA-në, do të bënin gjithçka që munden për të siguruar mbrojtjen dhe aftësinë luftarake të aleancës”, deklaroi ai.
Sipas Ruttes, zvogëlimi i rolit amerikan në modelin e forcave të NATO-s nuk do të ndikojë në kapacitetet e përgjithshme të aleancës, pasi vendet evropiane dhe Kanadaja do të rrisin kontributet për të mbushur boshllëqet e krijuara.
Ai theksoi se aleatët e kuptojnë se SHBA-ja ka përgjegjësi dhe angazhime të shumta në rajone të ndryshme të botës, ndërsa Evropa dhe Kanadaja duhet të marrin rol më të madh në aspektin e forcave konvencionale.
Rutte shtoi se Washingtoni ka bërë të qartë se garancia bërthamore amerikane ndaj NATO-s mbetet e pandryshuar dhe e fortë.
Forcat e reagimit të NATO-s, të njohura si “NATO Force Model”, mund të aktivizohen në rast të një krize madhore, përfshirë një sulm ndaj një shteti anëtar. Përbërja e saktë e këtyre forcave mbahet konfidenciale.
Takimi i sotëm në Bruksel është i fundit në nivel ministrash para samitit të NATO-s që do të mbahet më 7 dhe 8 korrik në Ankara. Në selinë e NATO-s pritet të marrë pjesë edhe presidenti ukrainas Volodymyr Zelensky në një takim të Grupit të Kontaktit për Mbrojtjen e Ukrainës, i cili koordinon ndihmën ushtarake për Kievin.
Më të lexuarat
24 oret e fundit
Javen e fundit
Blog Tema
Lini një Përgjigje