Te fundit
Ishulli i ëndrrave në Greqi del në ankand për vetëm 247 mijë euro, por ka një “kurth” të madh
18 Qershor 2026, 11:50Lifestyle
TEMA
Copyright Jim Makos/Unsplash
Nëse keni ëndërruar ndonjëherë të largoheni nga turmat, interneti dhe ritmi i përditshëm i jetës, një ishull i vogël grek mund t’ju ofrojë pikërisht këtë – por jo luksin që mund të imagjinoni.
Makri, pjesë e grupit të ishujve Echinade në Detin Jon, do të dalë në ankand këtë nëntor me një çmim fillestar prej 247 mijë eurosh, sipas gazetës greke Protothema. Megjithatë, pronari i ardhshëm nuk do të ketë mundësinë ta shndërrojë atë në një resort ekskluziv apo destinacion turistik.
Arsyeja është se Makri ndodhet brenda rrjetit evropian të zonave të mbrojtura Natura 2000 dhe klasifikohet si tokë pyjore. Për pasojë, lejohen vetëm ndërhyrje minimale infrastrukturore dhe aktivitete të kufizuara bujqësore, çka e bën ishullin më tepër një strehë për ata që kërkojnë një mënyrë të thjeshtë jetese, sesa një mundësi fitimprurëse investimi.
Në ishull ndodhen vetëm disa ndërtesa të braktisura: një shtëpi e vogël, një rezervuar uji dhe një faltore.
Makri ishte nxjerrë në ankand edhe në vitin 2022 me një çmim prej 8 milionë eurosh, por një rivlerësim i mëvonshëm tregoi se kufizimet e shumta ligjore dhe mjedisore e ulin ndjeshëm vlerën e tij në treg.
Ishulli u ble për herë të fundit në vitin 1991 nga një biznesmen, por sot ndodhet nën administrim ligjor. Për vite me radhë janë bërë përpjekje për ta shitur dhe në disa platforma online është reklamuar me vlera që arrinin deri në 8 milionë euro.
Megjithatë, Makri vjen me një sërë problemesh ligjore dhe kufizimesh mjedisore. Sipas dokumenteve të ankandit, mbi të rëndojnë hipoteka, pretendime tatimore, mosmarrëveshje për qiratë, kërkesa nga kreditorë dhe procese të gjata gjyqësore me shtetin grek.
Edhe nëse një blerës arrin t’i zgjidhë këto çështje, zhvillimi i ishullit mbetet jashtëzakonisht i vështirë për shkak të rregullave të rrepta që mbrojnë territorin e tij./Euronews
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Edhe këta grekët mbrapa bote janë?!!! Nuk mendojnë se mund të fitojnë miliarda në një rrip toke me një ndryshim të ligjit siç bëri Edi Rama në vitin 2024 për të shitur kudo e gjithçka në tokën shqiptare?!!!
sto makri klimax kolotrypida
Budallenj greket ,tja japin Rames dhe Belindes dhe e bejne lule!