Te fundit
Postoi video duke u ankuar për përvojën në Marok, influencueses i ndodh e papritura
18 Qershor 2026, 10:49Lifestyle
TEMA
Një influencuese e njohur është arrestuar në aeroportin e Marrakeshit të shtunën pasi postoi një video në rrjetet sociale, ku kritikonte përvojën e saj në Marok.
“Daily Mail” shkruan se, autoritetet vendase e ndaluan Yas Naubelle pak para se ajo të hipte në avion për t’u kthyer në Francë.
Ndërsa ishte me pushime në Marok, 30-vjeçarja ndau një video në rrjetet sociale duke u ankuar për zakonet e drejtimit të automjeteve nga vendasit, ndërsa akuzoi gjithashtu policinë se po shënjestron padrejtësisht gratë. Në video, e cila tani është fshirë, Naubelle i përshkroi rrugët e Marrakeshit si të rrezikshme dhe kaotike.
“Nuk kam parë kurrë njerëz të ngasin kështu më parë. Është jashtëzakonisht e rrezikshme, makina, moped pa helmeta, me fëmijë në bord, duke bërë kthesa të mprehta”, shprehej 30-vjeçarja
Duke krahasuar Marokun me vendin e saj të lindjes, Algjerinë, ajo theksoi: “Nuk është aq keq atje sa këtu”. Yas Naubelle gjithashtu vuri në dukje se disa oficerë të policisë së trafikut po ndalonin shofere femra “pa asnjë arsye” në një përpjekje për t’u zhvatur para.
Videoja e influencueses shkaktoi shpejt shqetësim kombëtar, duke çuar në ndalimin e saj nga policia në aeroport. Sipas autoriteteve marokene, komentet e turistes u konsideruan “shpifëse ndaj qytetarëve marokenë” dhe “fyese për forcat e rendit”.
Naubelle, e cila ka më shumë se 20,000 ndjekës në “TikTok”, mbetet në paraburgim. Ajo po mbahet nën dyshimin për publikimin e përmbajtjes dixhitale shpifëse dhe fyese që synon qytetarët dhe minimin e një institucioni publik.
Marrakesh, i cili mirëpret rreth 4 deri në 5 milionë turistë çdo vit, përfshirë shumë nga Franca, është i njohur për politikat e tij të rrepta në lidhje me përmbajtjen e postuar në mediat sociale.
Më të lexuarat
24 oret e fundit
Javen e fundit
Blog Tema
Lini një Përgjigje