Te fundit
Turqia rrezikon të plaket! Thirrja e Erdogan për çiftet e reja: Bëni të paktën nga 3 fëmijë!
12 Janar 2026, 16:25Bota
TEMA
Presidenti i Turqisë, Recep Tayyip Erdogan, ka paralajmëruar se vendi po shkon drejt një krize demografike për shkak të rënies së lindshmërisë në vend.
Duke folur në Stamboll gjatë një takimi me artistë dhe të rinj, Erdogan u shpreh se shoqëria duhet të reagojë përballë rënies së popullsisë dhe se ndërtimi i familjeve të forta është kyç për të ardhmen e vendit. Ai theksoi se pasja e të paktën tre fëmijëve është një domosdoshmëri dhe jo thjesht një këshillë.
“Gjithmonë u them çifteve të kenë të paktën tre fëmijë. Kjo është e nevojshme për një familje të fortë,” tha Erdogan, duke shtuar se flet edhe nga përvoja personale, si gjysh i nëntë nipërve dhe mbesave.
Erdogan iu referua të dhënave zyrtare të Institutit Turk të Statistikave, sipas të cilave norma e lindshmërisë në Turqi në vitin 2024 ra në 1.48 fëmijë për grua, shumë poshtë nivelit të nevojshëm për zëvendësimin e popullsisë. Erdogan e cilësoi këtë situatë si “katastrofë” dhe shprehu shqetësim për plakjen e shpejtë të shoqërisë.
Në përpjekje për të frenuar rënien e lindshmërisë, qeveria turke e ka shpallur vitin 2025 si “Viti i Familjes” dhe ka vendosur politikat familjare në qendër të axhendës së saj. Janë zgjeruar skemat e mbështetjes për çiftet e reja, përfshirë kredi martese pa interes dhe ndihmë financiare për fëmijët.
Sipas masave aktuale, nënat përfitojnë 1 pagesë të vetme për fëmijën e parë, mbështetje mujore për fëmijën e dytë dhe pagesa më të larta mujore për fëmijën e tretë dhe fëmijët pasues, deri në moshën pesë vjeç.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Si nuk turperohet qe perdore keto lajme eshte lehte te flasish kur ke te ardhura te mjaftueshme per te ritur 3 femij ,por ne Turqi ka familje ku edhe per nji femij nuk kan te ardhura pse shteti financon vetem bjerjen e armeve dhe jo te femijve ,3 femi nuk kan as Gjermanet as Francezet dhe shum te pasur por vetem Islamistet ky mendon se sejcili ka rogen e ti.
Ashtu si gjithe Europa, mbas 50 vitesh gjysma e Europes do jete emigracioni, lufta qe po ben Putini po shkaterron demografine e Rusise dhe ate te Ukraines.Bullgaria eshte nje nga vendet qe po plaket ,nga mos lindjet dhe emigracioni, e njejta gje po ndodh dhe me Shqiperine pavaresisht qe tek ne nuk ka statistika ose ka por mbahen secret.
"deri në moshën pesë vjeç. "përfitimi??e pas kësaj moshe do ti çosh të hanë në kazanin e jeniçerëve,o sulltan salepi??
"deri në moshën pesë vjeç. "përfitimi??e pas kësaj moshe do ti çosh të hanë në kazanin e jeniçerëve,o sulltan salepi??