Venezuela akuzon SHBA-të për “zhvatje”

Venezuela ka akuzuar Shtetet e Bashkuara për “zhvatjen më të madhe” në një seancë emergjente të Këshillit të Sigurimit të OKB-së në New York.

Kapja e dy cisternave të naftës venezueliane nga Washingtoni ishte “më e keqe se pirateria”, tha ambasadori venezuelan në OKB.

Mbledhja emergjente e Këshillit të Sigurimit u thirr për të diskutuar sekuestrimin e cisternave, i cili u zhvillua në brigjet e Venezuelës në fillim të këtij muaji.

SHBA-të kanë thënë gjithashtu se po ndiqnin një cisternë të tretë nafte venezueliane.

Presidenti Trump ka akuzuar Presidentin e Venezuelës, Nicolas Maduro, se drejton një kartel droge dhe tha se bandat kishin vepruar pa u ndëshkuar për një kohë shumë të gjatë.

I dërguari i Venezuelës në OKB tha se SHBA-të po e nënshtrojnë vendin e tij ndaj “shantazhit më të madh” në historinë e saj.

Duke folur në takimin e Këshillit të Sigurimit të OKB-së, Samuel Moncada tha se “jemi në prani të një fuqie që vepron jashtë ligjit ndërkombëtar, duke kërkuar që venezuelianët të largohen nga vendi ynë dhe ta dorëzojnë atë”.

Lidhur me sekuestrimin e naftës venezueliane nga SHBA-të, ai shtoi: “Po flasim për plaçkitje, grabitje dhe rikolonizim të Venezuelës.

“Qeveria e Shteteve të Bashkuara nuk ka juridiksion në Karaibe”.

Duke iu referuar industrisë së naftës në Venezuelë, ai tha: “Çfarë lidhje ka kjo me drogën?”

Në përgjigje, ambasadori i SHBA-ve në OKB, Michael Waltz, i tha Këshillit të Sigurimit se SHBA-të nuk e njohin Maduro si udhëheqësin legjitim të Venezuelës.

“Aftësia e Maduro-s për të shitur naftën e Venezuelës i mundëson pretendimet e tij mashtruese për pushtet dhe aktivitetet e tij narko-terroriste”, tha Waltz.

Gjatë një vizite në një panair tregtar në Karakas, Presidenti Maduro tha se “Këshilli i Sigurimit po i jep mbështetje të madhe Venezuelës”.

Rusia dhe Kina akuzuan SHBA-rë për ngacmim dhe agresion.

SHBA-të po “shkatërronin në mënyrë të paligjshme” anije civile në Detin e Karaibeve, tha ambasadori rus në OKB, Vassily Nebenzia, në takimin e OKB-së.

Ai paralajmëroi se vendet e tjera mund të jenë të radhës.

Putini lëshon dekret, tani mijëra ukrainas përballen me humbjen e shtëpive të tyre

17:40 Bota 13 komente

Zelensky ofron koncesione për paqen dhe vë topin në anën e Putinit

17:35 Bota 5 komente

Kievi merr përgjegjësinë për shpërthimin me bombë ndaj policisë ruse në Moskë

16:59 Bota 2 komente

Ndalimet e udhëtimit në SHBA, reagime të zemëruara në Europë

16:43 Bota

Sanksionet e SHBA ndaj zyrtarëve europianë, reagon Franca: E papranueshme

14:23 Bota 3 komente

Kështu po vdes Palestina

12:29 Bota 13 komente

Garry Kasparov “arrestohet virtualisht” nga Moska për herë të dytë

12:12 Bota 1 koment

Vdekja në aksidentin ajror në Turqi e shefit të Ushtrisë libiane, autoritetet përjashtojnë sabotimin: Dyshohet për defekt teknik

11:45 Bota 1 koment

Zelensky zbulon planin e ri të paqes, 20 pika për t’i dhënë fund luftës me Rusinë

11:10 Bota

"Ishte i trembur" - Ish-zëdhënësi: Netanyahu më kërkoi të thurr një plan për të shmangur përgjegjësinë pas sulmit të 7 tetorit

11:03 Bota 1 koment