Te fundit
Historiania angleze: Tito kërkoi Shqipërinë në Jugosllavi, pati komplot për vrasjen e Enver Hoxhës
25 Tetor 2022, 18:46Dossier
TEMA
Fundi i luftës antifashiste nacionalçlirimtare në Shqipëri është shoqëruar me një betejë të fortë politike në prapaskenë për pushtetin e pas luftës, midis partizanëve komunistë në njërin krah dhe ballistëve e zogistëve në krahun tjetër.
Por edhe aleatët dhe fqinjët ishin të interesuar se kush do ta sundonte Shqipërinë më pas.
Në një intervistë të gazetarit Xhevdet Shehu me historianen angleze Miranda Vickers botuar në DITA citohen disa dokumente të pabotuar më parë mbi atë periudhë.
“Kongresi i Përmetit më 24 maj 1944 u mblodh sipas modelit të AVNOJ-it, Këshillit Antifashist të Çlirimit Kombëtar të Jugosllavisë. Konferenca e Pezës sa i skicoi themelet e pushtetit të ri; Konferenca e Labinotit autorizoi dhe e qendërsoi këtë pushtet, Kongresi i Përmetit hodhi bazat kushtetuese të shtetit shqiptar të pasluftës – thotë Vickers
Historiania shton se ka pasur një komplot për eliminimin e Enver Hoxhës para se të mbaronte lufta.
“…Ka ekzistuar dhe unë kam dokumente për këtë. Që nga 1944 trysnia e jugosllavëve mbi LNÇ-në u shtua në mënyrë të konsiderueshme. Nga fundi i gushtit, jugosllavët caktuan një shef të ri të misionit të tyre ushtarak pranë shtabit të Hoxhës, kolonel Velimir Stojniçin. Miladin Popoviçi (i cili më vonë do të vdiste parakohe në mënyrë të dyshimtë) ishte tërhequr, pasi ishte konsideruar si tepër miqësor me Hoxhën…”
Ajo shton se udhëzimet e Titos ishin që Shqipëria të bashkohej me Jugosllavinë.
“…Velimir Stojniçi veproi sipas udhëzimeve të Titos, duke argumentuar se Shqipëria ishte mjaft e vogël dhe e dobët për të mbetur e pavarur pas luftës. Ndaj, sipas tij, e ardhmja e Shqipërisë do të ishte më e sigurt të bashkohej me Jugosllavinë, duke u bërë republikë e shtatë e saj. Ndihmësi kryesor i Stojniçit, Nijaz Dizdareviçi, u soll jo vetëm si një udhëheqës organizativ ndaj PKSH-së, por ndërsa lufta po shkonte drejt fundit të saj, edhe po punonte për përfshirjen e Shqipërisë në Jugosllavi. Hoxha dha shenja se nuk e duronte qëndrimin arrogant të jugosllavëve…”
Në vjeshtë të vitit 1944 jugosllavët për pak ia dolën që tia merrnin pushtetin Hoxhës. Bëhet fjalë për plenumin e PKSH-së në Berat. Vickers tregon:
“… Në nëntor 1944, pak javë para tërheqjes së përgjithshme të gjermanëve nga Shqipëria, Komiteti Qendror i PKSH mbajti një plenum në Berat. Mbledhja e Beratit përkoi me sesionin e dytë të AVNOJ-it që mbahej në qytetin boshnjak të Jajcës, i cili krijoi Komitetin Kombëtar Jugosllav. Në plenumin e Beratit, përfaqësuesi jugosllav, kolonel Velimir Stojniçi, i mbështetur nga Koçi Xoxe dhe të tjerë, kritikoi udhëheqjen e Hoxhës dhe bënë një përpjekje serioze për ta hequr Hoxhën.
Pas një autokritike të mjerë, Hoxha u lejua të mbetej udhëheqës formal i partisë, por pushteti real iu ngarkua Xoxes. Megjithëse Hoxha u ndje i tradhtuar, në atë kohë ai nuk ishte i vetëdijshëm për komplotin e organizuar kundër tij. Ndihmësi i Stojniçit,
Dizdareviçi këtu (tregon dokumentin) ka shkruar: Para Plenumit të Beratit, Nako Spiru dhe një grup donin ta eliminonin Hoxhën, por misioni ynë e kundërshtoi këtë mendim dhe arriti ta mbronte atë. Ne e shpëtuam, por nuk duhet të mburremi tani për këtë veprim…” – citon Vickers dokumentet arkivore që posedon.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E more harbuter te PD . Po dalin te gjitha te verteta ato qe ka thene Enveri.
He mor ti i pa PD ose me PD e PS e HK. Po kjo foto me ENVER - TITO në ckohë dhe ku është bërë. mos më 2022 ? Enverit i ra ndër mend të bëhej ca si mbarëshqiptar ( jo "shqiptar i RPSh) pas 81 -shit të shwk. të kaluar.
Qellimet e Titos nuk Jane te panjohura. Ne libri Bijt e Shqipes te ish funksionarit ne misionin englez prane Abaz Kupit, Julian Amery, shkruan per Takimin Tito Curcill ne 2 gusht 1944 ne Napoli te Italise. Titoja I premton CURCILLIT qe NE BALLKAN nuk do te vendoset sistemi socialist. Vvini re, nuk premton per Jugosllavine, por per Ballkanin. Ne greqi ishin vete engleze. Kush mbetej, vec shqiperise. Pra ai faktikisht perfshinte shqiperine ne planin englez te "konfederates ballkanike" me qender beogradin, platforme te cilen kish marre persiper ta zbatonte edhe J. B. TITO. Kjo nuk eshte è rastit, as Takimi me curcillin nuk eshte I Rastit. Sipas nje autori rus, Gribanov,specialist i fushes se sherbimit sekret, ne libri e tij botim i vitit 1951"Banda Tito arme ne duart e luftenxitesve angloamerikane", ai shkruan se J. B. Tito eshte rekrutuar AGJENT I sherbimit sekret englez nje vit Para se te zgjidhej kryetar i PKJ.
Nese nuk do kish qene Xhaxhi shqiptar ne kembe nuk do kish patur.