Te fundit
Drejtësia e re që shijohet dhe mallkohet nga Rama dhe Berisha
3 Nëntor 2023, 19:06Editorial
TEMA
Lajmi i parë sot herët në mëngjes ishte një postim i ndihmës sekretarit të Shtetit për Evropën dhe Euroazinë, Jim O’Brien, me ish-ambasadoren amerikane në Shqipëri, Yuri Kim dhe kreun e SPAK, Altin Dumani. Postimi i quante mbresëlënëse arritjet e reformës në drejtësi në Shqipëri, duke ju referuar bilancit të SPAK.
Postimi pasonte disa lajme të prodhuara nga Uashingtoni për zbarkimin e gjithë drejtuesve të SPAK atje dhe takim me gjithë agjencitë ligj zbatuese të SHBA, dhe u pasua po nga lajme të tjera.
Jim O’Brien është një nga diplomatët më me përvojë të SHBA, që është marrë gjatë me Kosovën dhe Shqipërinë. Para kësaj detyre ai ishte përgjegjës për Departamentin e Sanksioneve në Departament të Shtetit, ose thënë më shqip, të njeriut që shpall listën e personave “non grata”.
Dhe kur i shikon këto të gjitha bashkë, vizitën e gjithë prokurorëve të SPAK në SHBA, mbështetjen direkte dhe të personalizuar për Dumanin, e kupton reagimin e egër të përditshëm të Berishës kundër atij që ai e quan SKAP, dhe reagimin e kryeministrit Edi Rama që lavdërohet me reformën në drejtësi.
Dëshpërimi i Sali Berishës më shumë se sa nga suksesi i SPAK, vjen nga mbështetja e SHBA për të.
Problemi që ai ka, është se SPAK dhe SHBA, janë aleatë dhe i janë bashkuar dy armiq në një vend. Dhe po përpiqet ta çajë këtë rrethim duke u përpjekur të kompleksojëë Edi Ramën, duke i thënë se SPAK nuk po sulmon qeverinë, pasi komandohet prej Edi Ramës, me shpresë se do të fillojë të ankohet dhe ai.
Edi Rama është akoma më i pamëshirshëm. Ai nuk është gjahtar dështimesh, por gjahtar suksesesh.
Ai është politikani që në fakt SPAK i ka masakruar qeverinë dhe gjithë pushtetin e socialistëve. Janë pesë kryetarë bashkish në burg, tre nën hetim, deputetë, ministra, zëvendëskryeministra dhe 90 zyrtarë të lartë që janë në dyert e burgjeve, por nuk do të ndjehet i dëshpëruar.
Dhe ky po tregohet dhe më i pamëshirshëm me Berishën në këtë debat. Në vend të bëjë si Berisha dhe të ankohet për goditjet e SPAK, ai lavdëron SPAK, e mbështet në çdo goditje ndaj tij dhe akoma më shumë, sot e konsideroi reformën në drejtësi, një vepër të Partisë Socialiste.
Ajo fotografia në Uashington, nëse Berishën e dëshpëron, këtë e motivon për ta përvetësuar si meritë të tij.
Reforma në fakt ishte një iniciativë e Partisë Socialiste, e mbështetur nga SHBA dhe BE, të cilët detyruan në fund dhe Partinë Demokratike ta mbështeste.
Në këtë aspekt askush nuk gënjen.
Berisha ka të drejtë kur ndjehet i pafuqishëm që ja morën pushtetin që kishte në drejtësi dhe e përballin me dyert e burgut. Aq me tepër kur shikon se si ata që e gjykojnë dhe hetojnë dhe ata që e shpallën “non grata”, janë bashkë në një foto që në mëngjes.
Në mentalitetin e Berishës dhënia e votës për reformën në drejtësi është si “dhënia e Besës” nga anët e tij, që ai nuk duhet të prekej dhe gjithë tërbimi buron nga ajo që e quan besëprerje.
Edi Rama nuk e ka këtë problem. Ai përpiqet të krenohet politikisht që reformën në drejtësi e bëri Partia Socialiste, pasi iniciativa e tyre është.
Problemi është se socialistët janë në provë deri ku do të përballojë “Republika” e tyre “Republikën e prokurorëve”, e cila është e vetmja rrezik për të zhbërë pushtetin e tyre.
Në një krahasim ekstrem socialistët i ngjajnë dikujt që po përdhunohet, por ka vendosur ta shijojë dhe jo të ankohet, pasi e di që nuk ka shpëtim.
SHBA dhe BE kanë po ashtu të drejtën që u ka dhënë vet politika shqiptare të kontrollojnë rezultatet e kësaj reforme, për të standartizuar vendin me standardet e një drejtësie perëndimore.
Dhe ndjehen të kënaqur që reformën në drejtësi e bënë socialistët, e votuan demorkatët dhe e fituan ata.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Rama duhet te krenohet per personat e arrestuar ne nje fare menyre pastrohet partia socialiste. Sa me shume te arrestuar nga krahu majte me i sukseshem do jete rrezultati ne zgjedhje . - Berrisha qendron nga Rama ne parlament dhe e di shume mire ai nuk godet Ramen po kerkone te intimide drejtesine pasi nese Rama sot shpalle zgjedhje te parakoheshme Berrisha nuk ka parti do shkoje te spiuni I.M eshte ne proces penal i ndalohet kandidimi por jo vetem Berrisha por shume kunguj kastravec nga foltore-nevojtore
Haha rrofesh o Mero je i madhë, sa kame qesh me atë frazen e fundit, kane vendors që ta shijone, se pse nuke kane shpres.. ha.
Salikadavres po i ngushtohet laku i drejtesise ne fyt, cik e nga nje cik, dite e perdite.
A Mero urithi, je gazetar klasi! Sa për urith, ashtu jam edhe unë, kështu na quanin neve që mbaruam Gjeologji-Miniera.
Mero djali,për hir të së vërtetës,edhe më optimisti shqiptar nuk e kishte menduar,që do të vinte kjo ditë! "AI",i forti,i ndershmi,i papërlyeri,lexhenda ai që "përmbysi" komunizmin("AI" vetëm sa ktheu kufomën me fytyrë nga qielli,se komunizmi kishte kapitulluar me kohë) do të dilte një ditë përpara trupit gjykues. Ne të gjithë,pa përjashtim,i kishim humbur shpresat,se kjo ditë dobëhej realitet. Vetëm një person,i shpotitur dhe tallur si torollak,por ja që atij i doli fjala,Takut,të birit të Kiços së Ngjelajve.Vetë ai besonte se kjo ditë do të vinte. E parë në perspektiv,gjithë kjo,ose mënyra se si dajo Samiu veproi,dhe k'të e vërtetoi koha,ishte një strategi gjeniale! Po qe se SPAK-u do ta kishte arrestuarS.B.që kur u shpall non grata,ai sot do ishte martirizuar. E vërteta është që masat injorante që e ndiqnin atë do e hyjnizonin si hero. Dajo Samiu veproi në mënyrë mjeshtërore,e diskreditoi,e nxori lakuriq,e ç'mitizoi,e la si pune e kërmillit,kur i heq lagështirën,ai thahet. PS:"AI" do dënohet,dikur do kthej edhe patkonjtë nga dielli,por fara qe "AI" mbolli,nuk shkulet kollaj.
Me së fundi , po e kapin fundin e merituar .
PO NGORDH QENI .
Bingo. Me thënë të drejtën edhe unë e kisha këtë frikë në fillimin e strukturimit të SPAK. Amnisti e fshehtë e pafolur për këta politikanë, me kusht që të formohet prokuroria e posaçme. Pra, ç'ndodhi ndodhi fundja, le të shikojmë nga e ardhmja. Më vjen mirë që e kisha gabim. Disa shkelje, si ato për të cilat akuzohet familja Berisha, janë te pafalshme. Disa shkelje janë të pa amnistueshme. Do e ndjekim me vëmendje këtë odisenë e kësaj familje që shkatërroi një shtet të tërë. Zhgënjyese nëse gjithë këto procese gjyqësore nuk do rezultonin me dënime. Hajde e mbaje Saliun pastaj, po doli i pafajshëm; edhe nën akuza shiko si sillet tjetri.