Te fundit
Rikthimi i dytë i Francës në botën shqiptare
13 Prill 2024, 19:10Editorial
Mero Baze
Një nga arsyet përse Kosova e fitoi betejën diplomatike me Serbinë në vitet 1990 ishte Franca. E paragjykuar si vend proserb, dhe me plot histori miqësie me Serbinë, shqiptarët kishin të drejtë të ishin skeptikë ndaj saj.
Por një paradite në pranverën e vitit 1990, Ibrahim Rugova trokiti në ambasadën e Francës në Beograd për t'i treguar ambasadorit francez vendimin e shqiptarëve të Kosovës për tu shkëputur nga Serbia. Biseda që ishte rregulluar me një protokoll strikt, dhe natyrisht me plot bezdi për të dëgjuar diçka që nuk donin ta dëgjonin, përfundoi e tej zgjatur, dhe me një admirim të diplomatit francez për lidershipin e ri të shqiptarëve të Kosovës.
Mënyra se si Ibrahim Rugova e tërhoqi Francën në anën e Kosovës, me stilin e tij paqësor, pro dialogut, dhe mbi të gjitha me bindjen e tij si student i Sorbonës, se demokracia franceze nuk e toleron barbarinë, arriti ta kishte atë aleatin konstant për dhjetë vitet e rezistencës paqësore, që e pritën në Elysse dhe që fotografia e tij është në korridorin e Ministrisë së Jashtme franceze si një nga udhëheqësit aleat të Francës që bën histori.
Falë kësaj, u arrit që Franca të bëhej vendi mikpritës i Konferencës së Rambujes dhe Parisit që vulosën hyrjen e NATO në Kosovë dhe çlirimin nga Serbia, duke bërë një përmbysje historike të paragjykimit tonë për Francën proserbe.
Edi Rama është udhëheqësi i parë i Shqipërisë që po e bën këtë përmbysje. Ai përmes stilit të tij herë-herë të qortueshëm nga etika diplomatike, por funksional, përmes raporteve personale të krijuara me Presidentin Macron të cilit para shtatë vitesh i pati rekomanduar një palë atlete si të vetat, dhe rolin që ka luajtur në procesin e vështirë dhe shpesherë të minuar të dialogut mes Kosovës dhe Serbisë, arriti ta bindë Presidentin e Francës të bëjë një viztë zyrtare në Shqipëri, e para e këtij lloji në historinë mes dy vendeve. Vizita filloi me dekorimin e Ismail Kadaresë dhe përfundoi në një darkë tërësisht miqësore deri më 3 pasmesnate në Pallat të Brigadave, ku presidenti francez harroi protokollin zyrtar.
Këtë fundjavë, ishte koha që ai ja ktheu nderin Shqipërisë, duke bërë një pritje zyrtare me protokollin më të lartë të Francës për një udhëheqës të një vendi mik dhe me vlerësime maksimale për shndërrimin e Shqipëisë dhe rolin e saj në rajon.
Dhe përmbysja është e jashtëzakonshme. Katër vjet më parë, kur ish-Presidenti Sarkozi vizitoi privatisht Tiranën duke shoqëruar gruan e tij, këngëtaren Carla Bruni, dhe ju desh të shkonte më këmbë nga kryeministria në Presidencë, gjëja e parë që tha si përshtypje ishte se nuk kishte parë gra të mbuluara me shami në rrugë, ç'ka tregon se paragjykimi i tyre për Shqipërinë, dhe distanca kulturore dhe shpirtërore kanë qenë shumë të mëdha.
Pas katër vitesh, Presidenti i Francës arrin të thyejë çdo protokoll në një darkë njerëzore deri pas mesnate, ndërsa Kryeministri i Shqipërisë pritet prej tij me protokollin më të lartë të mundshëm.
Ky është rikthimi i dytë i Francës në botën shqiptare pas asaj që ka bërë për Kosovën. Madje falë atij investimi që Farnca ka bërë për Kosovën, ky rikthimi i dytë është dhe më i rëndësishëm pasi temë e parë kësaj vizite është përsëri Kosova.
Por për fat të keq, aty mungon njeriu që ua hoqi nga duart Francën, Serbëve dhe e kaloi në anën e tij.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mos harrojme qe Franca eshte totalisht pergjegjese per ndarjen e Mitrovices dhe caktimin e Ibrit si kufi me shqiptareve dhe serbeve ne veri. Per fat te keq veprimet e tyre kane qene shume demtuese per Kosoven.
Kush eshte ky qe ja hoqi Francen Serbëve, Rugova? Jashari?
E ke fjalen qe francezet pro shqipetare cliruan Mitrovicen e veriut nga shqipetaret besoj? Apo per ata qe vrane Themistokli Germenjin.Apo per barrieren France-Holande ne integrimin Evropian te Shqiperise ...Mos na hap barkun te lutem...
Te lumte pena!
Mero djali. Francën nuk e ndau nga Serbia as Kosova, as aq më pak Rugova me vizitën e tij "historike" tek ambasadori francez në Beograd. Ti besoj e kupton se çmund të ketë belbëzua Rugovë derëziu tek diplomati francez. Serbinë e ndau nga Franca vetë Serbia. Kur serbët në maj 1995 përgjakën në pazarin e Sarajevës, duke bombarduar e vrarë me dhjetra civilë që donin të blenin bukë, një president i madh i quajtur Jacques Chiraque, i tmerruar nga ato pamje lëshoi shprehjen "barbarët serbë", e para herë që një gojë franceze shqiptoi ato fjalë. Aty filloi kthesa franceze, e jo te fjalët "bindëse" të një derdimeni që avullonte erë alkoli...
Kar komplet
Mero, politika e vendeve te fuqishme nuk ndryshon me nje pale atlete, apo brockulla te tjera qe na servir. Politika franceze, ashtu si ajo angleze jane shume me afer me Serbine se sa Shqiperine. A nuk ishin forcat franceze te KFOR- it, qe vune traun ne Iber duke ndare Veriun e Kosoves , pasojat e se ciles ndihen sot.
Serbisë i shet 10 Rafale ne atlete le coq sportif Mero me vjen keq se ju e dini si është e vërteta
Eshte nje eveniment shume i rendesishem qe Franca dhe Gjermania kane gjetur gjuhen e perbashket per "Evropen e Bashkuar". Ky eshte sfondi me i gjere qe spjegon levizjet e Frances ne drejtim te mbrojtjes se Kosoves. Aleanca fronko-gjermane eshte e mirepritur edhe nga Amerika duke forcuar boshtin perendimor ne bote perkunder Rusise dhe Kines...Eshte pak e cudicme qe Franca eshte me e avancuar se Gjermania ne kete politike dhe lidhur me te edhe ne politiken e mevetesise se Kosoves. Kujtoj qe Trampi pati "kontradita" me Merkelin per ceshtjen e kontributit ndaj NATO dhe ceshte me e rendesishme edhe per problemin e Kosoves. Ishte Merkel qe kundershtoi "shkembimin e territoreve" dhe jo Franca....Kontributi me i fundit i Frances dhe personalisht i Makronit ishte "bomba" qe ai leshoi ne Tirane kur e quajti Kurtin "beseprere". Kjo deklarate ishte per popullin e Kosoves qe te hapi syte nga "kurt besepreri", por edhe nje paralajmerim i hapur per Vuciqin qe te ndali punen agjenturore ne Ballkan ne interes te Rusise dhe percarjes perendimore...