Te fundit
44% e pronave shiten në periferi. Kush janë zonat më të kërkuara në Tiranë? Kushti, të ketë parkim
30 Nëntor 2025, 21:10Ekonomia
TEMA
Të gjithë ata që duan të blejnë një banesë, kërkesën e tyre të parë kanë të jetë brenda unazës. Më pas për shkak të çmimeve të shtrenjta dhe mungesës së buxhetit kërkesa zhvendoset jashtë unazës.
Alban Demirxhoi, vlerësues pronash, gjatë një interviste në emisionin “E-ZONE” në Vizion Plus thotë se kush janë zonat më të kërkuara.
“Gjatë këtij viti kemi parë një interes të shtuar për blerje në zonën e “5 Majit”, pas hapjes së unazës së madhe. Edhe Paskuqani ka interes. Zona e Astirit për shkak edhe të investimeve në infrastrukturë mbetet në kërkesat e qytetarëve për blerje. Në më të shumtën e kërkesave të blerësve kushti është të ketë parkim, si një nga shqetësimet më të mëdha që ka kryeqyteti aktualisht”, tha Demirxhiu në Vizion Plus.
Sipas të dhënave nga Banka e Shqipërisë, 35% e pronave shiten në zonat preferenciale, 44 % në periferi dhe 21 % jashtë qytetit.
Por një nga aktorët që kanë ndikim në treg janë dhe vetë agjentët. Ata që kanë vite që punojnë në këtë fushë dhe janë të konsoliduar edhe financiarisht blejnë apartamentet për t’i rishitur më pas me një çmim edhe më të rritur.
“Ka agjentë imobiliarë që kanë 10 apo dhe më shumë banesa. I blejnë në momentet e para të ndërtimit dhe më pas i rishesin apo i japin me qira. Bëhet fjalë për individë që kanë vite që punojnë në këtë sektor”, shtoi ai.
Por eksperti Demirxhiu është i mendimit se çmimet nuk kanë sinjale se do të ulen në vitin që vjen, sipas tij kosto e prodhimit, zhvlerësimi i euros si dhe kërkesa e lartë janë faktorë që nuk pritet të ulin çmimet. /vizionplus.tv
Më të lexuarat
24 oret e fundit
Javen e fundit
Blog Tema
Lini një Përgjigje