Kosova dhe Bosnja rrisin shkëmbimet me Shqipërinë: Në pesë muaj, importet ranë më shumë me Malin e Zi dhe Maqedoninë

Shkëmbimet tregtare të Shqipërisë me vendet e Ballkanit Perëndimor vijojnë të rriten, por me ritme të ndryshme mes partnerëve. Të dhënat për pesëmujorin e parë të vitit 2026 tregojnë se Kosova mbetet partneri më i rëndësishëm rajonal, ndërsa rritje të ndjeshme shënohen edhe me Bosnje Hercegovinën, Maqedoninë e Veriut dhe Serbinë. Në të kundërt, importet nga Mali i Zi kanë pësuar një tkurrje të fortë.

Gjatë periudhës pesëmujore të këtij viti, eksportet shqiptare drejt Kosovës arritën në rreth 16.8 miliardë lekë, me një rritje prej 13.9% krahasuar me të njëjtën periudhë të vitit të kaluar, duke konfirmuar këtë treg si destinacionin më të madh të mallrave shqiptare në rajon.

Rritje të fortë regjistruan edhe eksportet drejt Bosnje Hercegovinës, me 19.1%, si dhe drejt Maqedonisë së Veriut me 14.4%. Edhe eksportet drejt Serbisë u zgjeruan me 7.4%, ndërsa ato drejt Malit të Zi u rritën me 7%, duke treguar forcim të përgjithshëm të pranisë së produkteve shqiptare në tregjet rajonale.

Në anën tjetër të bilancit, importet paraqesin një tablo më të përzier. Shqipëria rriti importet nga Kosova me 13.4% dhe nga Bosnje Hercegovina me 4%, ndërsa importet nga Mali i Zi ranë me 37.6%, rënia më e madhe mes vendeve të rajonit. Në tkurrje rezultuan edhe importet nga Maqedonia e Veriut me 13.9% dhe nga Serbia me 6.3%.

Të dhënat tregojnë se, ndërsa eksportet shqiptare po fitojnë terren në të gjithë rajonin, importet po përqendrohen gjithnjë e më shumë te Kosova, ndërsa furnizimet nga disa partnerë tradicionalë ballkanikë kanë ardhur në rënie. Kjo sugjeron një forcim të rolit të Kosovës si partneri më dinamik tregtar i Shqipërisë në Ballkanin Perëndimor.

Shqipëria, tregu që po rritet më shpejt në hartën turistike të Europës Juglindore për qiratë ditore

12:55 Ekonomia

Nga mbetje në burim ekonomik, praktika e ekonomisë qarkulluese merr jetë në bizneset shqiptare

12:25 Ekonomia 1 koment

Paketa e Maleve, qeveria shpall zonat e para me përparësi zhvillimi

21:10 Ekonomia

Përfundon procesi automatik i fshirjes së gjobave tatimore - Përfitojnë mbi 105 mijë biznese

18:05 Ekonomia

Superkompiuteri ribën llogaritë pas ndeshjeve të para, Franca, Anglia dhe Argjentina favoritet e turneut

14:25 Ekonomia 3 komente

Tremujori i parë 2026, pagat rriten në të gjithë sektorët, industria bie në prodhim dhe punësim

22:00 Ekonomia

Gazetarja shqiptare e “Financial Times” rikthen traumën e ’97: Shqipëria ra pre e kapitalizmit pa e kuptuar

17:10 Ekonomia 6 komente

118 shërbime në ditë për trenin Tiranë–Durrës–Rinas - Dokumentet e operimit: Durrësi në 36 minuta, aeroporti në më pak se 20 minuta

16:10 Ekonomia 41 komente

Rikthehet propozimi për dyfishim të taksës së shtëpive dhe 25% rritje për bizneset

15:10 Ekonomia 6 komente

Shqipëria shtrenjtohet më tej në 2025, çmimet e ushqimeve e kalojnë për herë të parë mesataren e BE

08:40 Ekonomia 2 komente