Te fundit
Referencat e reja për ndërtesat pritet të rrisin të ardhurat e bashkisë
12 Shtator 2025, 15:40Ekonomia
TEMA
Rritja e çmimeve të referencës për pasuritë e paluajtshme do të përkthehet në më shumë të ardhura për buxhetin e bashkisë Tiranë. Vetëm për periudhën 2026–2028, programi buxhetor afatmesëm parashikon një shtesë prej 20 për qind në të ardhura, krahasuar me vitin 2025.
Kjo rritje e pritshme nuk është vetëm rezultat i zhvillimeve urbane, por edhe i vendimit për të përditësuar çmimet e referencës, të cilat po ndikojnë ndjeshëm në taksat e mbledhura nga ndërtesat dhe pronat e regjistruara në territorin e bashkisë.
Zëri kryesor i të ardhurave mbetet taksa e ndërtesës, e cila ka shënuar rritje të konsiderueshme në dy vitet e fundit si pasojë e shtimit të ndërtimeve të reja dhe regjistrimeve të pronave ekzistuese.
Nga 7 mln metra katrorë të regjistruara në vitin 2023, sot sistemi numëron rreth 7,5 mln metra katrorë, duke reflektuar të ardhura në vlerën e 2,8 miliardë lekëve.
Përveç rritjes së sipërfaqes së ndërtuar, aplikimi i çmimeve të reja të referencës pritet të forcojë edhe më tej këtë zë të ardhurash, duke garantuar buxhet të qendrueshëm.
Në kontrast me rritjen e të ardhurave nga çmimet e referencës dhe taksa e ndërtesës, taksa e ndikimit në infrastrukturë nga ndërtimet e reja ka shënuar një rënie prej 23 për qind.
Ky fenomen lidhet me uljen e aplikimeve për leje ndërtimi dhe ndryshimet ligjore të miratuara kohët e fundit. Megjithatë, Bashkia e Tiranës e konsideron këtë ulje të përkohshme dhe synon ta kompensojë me të ardhurat shtesë që do të vijnë nga përditësimi i çmimeve të referencës dhe administrimi më efikas i taksave.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Hajdute te paepur te pasurise publike dhe pergjegjes per varferimin e ketij populli perdite e me shume. Po kush do ti paguaje taksat me referencat e reja o Bastarde ? A nuk do ti paguaje ky popull qe mezi mbahet me rrogat skandaloze ? Mire ja beni se ky popull ju voton qe ta perdhunoni nga mengjesi ne darke.
Hani, pini dhe rrembeni o pushtetar gjakpires. Mos u ngopshi, haka e ketij populli u rafte ne kokat dhe familjeve tuaja. Me keq se cdo pushtues po ia beni ketij populli te dorezuar.