Te fundit
Rrugët që përfundojnë në 2024-ën/ Mbyllet Unaza e Tiranës, hapet tuneli i Llogarasë
5 Nëntor 2023, 19:00Ekonomia
TEMA
Gjatë vitit 2024 do të nisë puna për zgjerimin e autostradës Tiranë-Durrës dhe rehabilitimin e rrugës Tiranë-Ndroq.
Evis Berberi, kreu i Autoritetit Rrugor Shqiptar tha: “Tiranë-Durrës nis vitin tjetër dhe do të jetë e ndarë me faza. Faza e parë që do të nisë vitin tjetër do të jetë nga Tirana deri në Rinas, në Kashar dhe pastaj gradualisht do të vazhdojmë me segmentet e tjera. Tiranë-Ndroq do të rehabilitohet dhe do të kthehet në një rrugë të mirëfilltë.”
E lindur si nevojë pas fluksit turistik gjatë muajve të verës, në buxhetin e vitit 2024 parashikohet edhe financimi i një projekti që rregullon aksin e Ksamilit dhe shmang trafikun.
Berberi shtoi se “Jemi të fokusuar që në vitin tjetër të hapim fazën e parë që segmenti që lidh Sarandën me Ksamilin të mos jetë vetëm për makinat, por të vendoset në funksion të turizmit. Do të bëjmë zgjerimin e saj me një korsi emergjence dhe në krahun tjetër, në drejtim të detit do të bëjmë një shëtitore që të funksionojë për biçikletat, skuterat dhe një pedonale. Në mënyrë të tillë që ata që duan të frekuentojnë plazhet e Ksamilit në drejtim të Sarandës të mos jenë të detyruar të marrin makina, por të shkojnë me biçikletë ose në këmbë.”
Brenda vitit tjetër Autoriteti Rrugor Shqiptar parashikon që të kenë përfunduar Unaza e Tiranës dhe tuneli i Llogorasë.
Kreu i ARRSH tha: “Në 2024 kemi parashikuar të mbyllim disa nga akset kryesore, Unazën e Tiranës duam ta përfundojmë brenda vitit 2024, pra të gjitha segmentet e saj. Duke vazhduar më pas me gjerdanin e Vlorës, që fillon nga Bypassi i Vlorës dhe përfundon me Palasë-Dhërmiun, duke pasur në mes Orikum-Dukatin dhe xhevahirin e kurorës që kemi ne, që është tuneli i Llogorasë, të cilin duam ta vëmë në funksion në fillim të vitit sezonit turistik, pra në vitin 2024. Do të përfundojnë segmente që sot 97% e punimeve janë përfunduar por për shkak të fondeve do të përfundojnë në fillim të vitit tjetër, siç është Korçë-Erseka që përfundon. Përfundon faza e parë e Elbasan-Qafë thanë, ndërsa faza e dytë e saj presim të përfundojë në fund të vitit tjetër. Në Rrugën e Arbrit në fund të këtij viti përfundon asfaltimi i akseve dhe më pas dalim me dhënien e një date për tunelin e Murrizit.”
I aksesueshëm për përdoruesit e rrugës gjatë 2024 do të jetë edhe aksi Thumanë-Kashar, ndërkohë që në fillim të vitit tjetër do të nisin punimet edhe për segmentet e tjera Thumanë-Milot, Kashar-Lekaj, Lekaj-Rrogozhinë dhe Milot-Balldren.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Per Veriun as qe po bjen ndermende, mire shikoni vetem Jugun se e ter Qevria eshte jugore e s'ndryshe. Bravo i them popullit tim Veriore mire na e bejne. Te rrahim duarte per keta.
Veriu? Rruga e kombit, Thumana, Lezhe shkoder, rruga e arbrit . Mos harroni se aq popullsi ka veriu.
Veriu ka me shume banore se " mendon" Leo. Veriu me Shkodren eshte porta hyrese ne Shqiperi nga Europa.Ne veri ka turizem detar me Shengjin e Velipoje,; ne veri eshte mjaft i zhvilluar turizmi malor, veriu lidh Zkosoven me Shqiperine.Dhe veriu eshte Shqiperi e pjese mjaft e rendesishme, Kujtohuni qe ne muajte e veres, nga mungesa e rrugeve bllokohet dalja Tirane per ne veri( Lezhe -Shkoder); se turistet e pushuesit qe preferojne detin mbeten me ore te tera te bllokuar.