Te fundit
Shtrenjtohet sërish nafta, ja me sa shitet në treg
15 Shtator 2023, 18:40Ekonomia
TEMA
Çmimet e karburanteve po njohin vetëm rritje. Një litër naftë po shitet 200 lekë, dhe arsyet lidhen me shtrenjtimin e saj në bursa.
Çmimi i karburanteve po shtrenjtohet në pikat e shitjes. Nafta po shitet me 200 lekë për litër, ndryshe nga java e kaluar kur tregtohej 195 lekë. Rritja e çmimit është sinjalizuar nga kompanitë që sjellin lëndë hidrokarbure në vend dhe nëse shohim historikun që nga mesi i muajit korrik, çmimi ka pësuar rritje progresive me 25 deri në 30 lekë për litër.
Kompanitë e tregtimit të karburanteve thonë arsyeja e rritjes është shtrenjtimi i naftës në bursë.
Në tregjet ndërkombëtare, nafta e papërpunuar po kuotohet për 93 dollarë për fuçi, nivel ky që nuk ishte parë prej 10 muajsh në tregjet e Europës dhe Shteteve të Bashkuara të Amerikës.
Shtrenjtimi është i lidhur me konjukturën dhe vendimmarrjen e prodhuesve të mëdhenj të naftës në Arabi Saudite dhe Rusi, kanë reduktuar sasinë e hedhur në tregje.
Në pikat e karburantit në Shqipëri, çmimi i naftës mbetet i lartë, pasi rreth 60% e shumës që shkon për blerjen e një litri, shkon në arkën e shtetit dhe koncesionarëve në formën e taksave dhe tarifave direkte.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
ose then ndryshe , Gjithcka nen kontrollin e Bandave te Shtetit te Hajnave te Rrumpalles Rama . Imagjinoni sknadlin e dhenjes se aeroportit katsrtratit lol . shndruar ne nji stalle katunaresh ku asgje nuk funksionon si duhet
Ky eshte kulmi. Ne. Je vend me te ardhura jo te medha cmimi naftes eshte skandaloz dhe nuk reagon asnje.