Te fundit
Si i ruajnë paratë shqiptarët në bankë?
30 Shtator 2025, 21:40Ekonomia
TEMA
Pavarësisht se shumica e qytetarëve i kyçin kursimet e tyre në bankë për një kohë të gjatë, duket se së fundmi po shtohen edhe ata që i fusin paratë në depozita 1 mujore.
Asgjë nuk i rrëzon nga froni depozitat me afat mbi 2 vjet, të cilat vijojnë të jenë më të pëlqyerat nga qytetarët, por që nuk po rriten me të njëjtin ritëm si më parë. Të dhënat më të fundit nga Banka e Shqipërisë tregojnë një rritje me vetëm 0.1% të shumës së depozitave me këtë afat.
Sa më e madhe të jetë koha e investimit dhe e shumës në depozita, aq më e lartë do të jetë norma e interesit, e për rrjedhojë aq më i lartë do të jetë edhe fitimi pas përfundimit të afatit. Gjithashtu, ato ofrojnë më tepër qëndrueshmëri, pasi nuk kërkojnë rrinvestime të shpeshta. Për këtë arsye, vlera e depozitave me afat dyvjeçar rezulton të jetë 166 miliardë lekë, më e larta në krahasim me llojet e tjera të depozitave.
Edhe pse me depozitat afatshkurtra ndodh e kundërta, pra normat e interesit janë më të ulëta, nuk janë aq të ngurta sa ato afatgjata dhe kushtojnë më tepër kohë për t'i lëvizur e riinvestuar, ato po shohin më tepër rritje. Sipas statistikave zyrtare, depozitat me afat 1 muaj shënuan një rritje rekord prej 7% në muajin gusht, duke kapur kështu për herë të parë një vlerë prej 1.9 miliardë lekësh.
Ky ndryshim në sjelljen e qytetarëve mund të vijë për arsye se ata kërkojnë kthime më të shpejta nga investimi i parave në depozita, edhe pse ato afatshkurtra nuk i ofrojnë të njëjtin komoditet e fitim si kursimet e ruajtura për një kohë më të gjatë.
Depozitat vazhdojnë të jenë forma kryesore e investimit të parave të shqiptarëve, megjithëse aktualisht ekzistojnë edhe plot mënyra të tjera investimi, siç mund të jenë ato në tituj qeveritarë, kriptomonedha dhe të tjera.
Por sa peshë zënë ato në sistemin bankar dhe si është raporti me kreditë?
Burimi kryesor i financimit të aktivitetit kreditues të bankave mbeten depozitat, që mbulojnë rreth dy herë vëllimin e kredive të sektorit. Në fund të gjysmës së parë të vitit, raporti “hua/depozita” ishte 51.6% ose rreth 2 pikë përqindjeje më i lartë nga vlera e gjashtë muajve më parë. (Ledina Elezi)
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
ESHTE TURP I MADH SI DHE PRAPAMBETJE E TIPIT MESJETAR FAKTI QE BIZNESET SHQIPETARE NUK KANE BURSEN E TYRE TE AKSIONEVE. KJO TREGON ME SE MIRE SESA TE PRAPAMBETUR JEMI, POR EDHE SESA MATRAPAZ NE MENTALITET JEMI SI POPULL E KUPTOHET EDHE SI SHTET.
Ti me te vertete je e prapambetur dhe nuk ke mesuar se si shkruhet
Nuk ja paske idenë e Bursës moj Ana! E para, nuk është turp, e dyta nuk është “mesjetë”, e treta “populli nuk është “matrapaz”! Arsyeja është që Bursa ose stoku sikurse thuhet, është një veprim i vështirë që duhet vazhdimisht t’a ndjekësh dhe ka formën e “bixhozit” me situata që nuk varen nga aftësitë e tua për të parashikuar gjëndjen. Pra shkurt, mund të fitosh, por edhe mund të humbasësh. Të thuash fjalët “turp”, “mesjetar” dhe “popull i prapambetur”, në këtë rast është si t’i thuash një virgjëreshe se përse nuk bëhesh kurvë!