6 kilogram kokainë dhe heroinë, kush është "BOS"-ja e arrestuar në Tiranë

4 Shkurt 2023, 12:11Kronika TEMA

6 kilogram kokainë dhe heroinë, kush është

Policia në Tiranë ka goditur një grup kriminal që shpërndante në sasi dhe në doza droga të forta si heroinë e kokainë.

Në kuadër të operacionit policor të koduar “Kutia e Pandorës”, Policia bën me dije se u arrestuan Brikena Frakulli, Hortenca Biçaku, Klevi Banushi dhe Artur Kristo.

Mësohet se 40-vjeçarja Brikena Frakulli rezulton të jetë drejtuesja e këtij grupi kriminal.

Raportohet se gjatë operacionit janë gjetur  6 kg heroinë dhe kokainë në banesat e Brikena Frakullit dhe Artur Kristos.

40-vjeçarja akuzohet se siguronte drogën në sasi të mëdha dhe më pas furnizonte shpërndarësit në doza të vogla. 

Prokuroria dhe policia kanë identifikuar edhe personin që furnizonte me kokainë drejtuesen e grupit kriminal, Frakullin.

Njoftimi i Policisë

Finalizohet operacioni policor i koduar “Kutia e Pandorës” pas një hetimi disajavor me metoda proaktive. Vihen në pranga 4 shtetas, pjestarë të një grupit kriminal.

Sekuestrohen 6 kilogramë heroinë e kokainë dhe 1100 doza heroinë e kokainë. Gjithashtu janë sekuestruar shuma të mëdha parash në euro dhe lekë.

Në vijim të operacioneve të njëpasnjëshme të zhvilluara nga Seksioni për Hetimin e Narkotikëve në Drejtorinë Vendore të Policisë Tiranë, për goditjen e veprimtarisë kriminale të shpërndarjes së drogave të forta, bazuar dhe në inteligjencën informative se një grup kriminal, shpërndante me shumicë dhe në doza, lëndë narkotike heroinë e kokainë, referuan materialet në Prokurorinë e Rrethit Gjyqësor Tiranë e cila regjistroi procedimin penal në janar të këtij viti.

Si rezultat i hetimit disajavor nën drejtimin e Prokurorisë së Rrethit Gjyqësor Tiranë, u bë e mundur grumbullimi i provave të nevojshme për pjesëtarë të një grupi kriminal që shpërndanin lëndë narkotike heroinë e kokainë në zona të ndryshme të Tiranës.

Bazuar në këto prova u organizua dhe finalizua me sukses operacioni policor i koduar “Kutia e Pandorës”. Në kuadër të operacionit u kapën dhe u arrestuan në flagrancë shtetasit:

B. F., 40 vjeçe, banuese në Tiranë drejtuese e grupit kriminal

H. B., 41 vjeçe, anëtare e grupit kriminal

A. K , 45 vjeç, anëtar i grupit kriminal

K. B., 20 vjeç, anëtar i grupit kriminal.

Nga kontrolli i ushtruar në banesat e shtetases B. F., dhe A. K., Policia gjeti dhe sekuestroi në cilësinë e provës materiale 6 kilogramë lëndë narkotike heroinë e kokainë, përkatësisht 3 kg 891 gramë lende narkotike e dyshuar heroinë dhe 2 kg e 110 gram lëndë narkotike kokainë, ku një pjesë ishte e ndarë në 1100 doza gati për shitje.

Gjithashtu nga kontrolli u gjetën dhe u sekuestruan dhe shuma të mëdha parash në euro dhe lekë, konkretisht 83.555 euro, 420.000 lekë të rinj, 2 automjete, 2 motoçikleta, 3 peshore elektronike dhe 4 aparate celulare.

Nga hetimit e kryra rezulton se këta shtetas vepronin në formën e grupit kriminal që drejtohej nga shtetasja B. F., e cila siguronte lëndën narkotike në sasi të mëdha dhe më pas furnizonte shpërndarësit në doza.

Po nga hetimet është bërë e mundur që të identifikohet edhe personi që furnizonte me sasi kokaine e heroine shtetasen B. F., por për arsye hetimi nuk bëjmë me dije të dhëna pasi operacioni është në vijim për kapjen dhe vënien para përgjegjësisë ligjore të personave të tjerë të implikuar në këtë veprimtari kriminale.

Thkesojmë faktin se vetëm gjatë muajit Janar 2023 , nga Seksioni për Hetimine Narkotikëve në DVP Tiranë janë finalizuar me sukes 4 procedime proaktive.

6 Komente

  1. N
    Niku

    Ashtu shkruhet bosja more qe ju marrte muti shalet? Mesuesit tuaj te gjuhe-kete raise duhen pushuar urgjentisht nga puna

    1. D
      Draper dhe Çekan

      O niku. Ne qofte se gazetari ka lindur para 90 atehere I falet se ne ato kohera fjala boss nuk ekzistonte Ne qofte se ka lind pas 90 atehere eshte analfabet qe as mesuesi sdinte cfare ti bente. Eshte brezi parlamentar , deputet e karparatave!

    2. D
      DinPaku

      O Niku! Çfare ke shkruar keshtu? Se kesaj i thone: Shan i dhjeri te permjerin.

      1. t
        tetovari2

        Varja, gazetarë plepash, në fillim të implikuait i jep me emër e mbiemër.Mos të flasim për drejëshkrimin dhe pastërtinë e gjuhës.

        1. E
          Edvin Vlleho-Cincari

          Ore Boss eshte vllehu Edvin Cincari.

          1. $
            $antiago-@-Chil€

            Gjithë drogaxhinjtë e ???? që në fakt janë llumi i shoqërisë dhe pjella e djallit janë bosë dhe biznesmenë ????. Ptu .

            Lini një Përgjigje