Te fundit
A po rrezikohet siguria kombëtare e Shqipërisë? Çfarë informacionesh kanë arritur të vjedhin hakerat?
24 Korrik 2022, 09:01Kronika
TEMA
Një javë më parë institucionet shqiptare u sulmuan nga hakerat, duke bërë që për disa ditë të bllokohej faqja që ofron shërbimet online për qytetarët e-albania, por edhe disa nga websitet e ministrive, të cilat kishin rënë pre e këtyre sulmeve.
Ndërkohë që prej dy ditësh faqja “Homeland Justice”, po shpërndan me anë të videove dhe fotove disa dokumente që duket se i përkasin shtetit shqiptar.
Lidhur me këtë situatë deri më tani nuk ka asnjë siguri nga ana e shtetit shqiptar, për të sqaruar nëse këto dokumente i përkasin vërtetë institucioneve shqiptare? Dhe nëse po, qeveria duhet të bëjë me dije nëse sulmi i një javë më parë ka arritur të grabisë informacione që rrezikojnë sigurinë kombëtare, apo thjeshtë po bëhet shantazh ndaj shtetit shqiptar.Faqja “Homeland Justice” në 20.07.2022.
Lidhur me publikimin e informacioneve dhe shkresave nga ana e “Homeland Justice”, ka reaguar edhe Autoriteti për Sigurinë Kibernetike (AKCESK) si dhe AKSHI, të cilat i kanë kërkuar AKPEP-it, mbylljen e menjëhershme të këtij domaini në Shqipëri.
Siç edhe e lexuar në dokument AKCESK dhe AKSHI i kërkojnë AKEP-it mbylljen e menjëhershme të domainit “Homeland Justice”, pasi sipas këtyre institucioneve, kjo faqe po përhap informacione keqdashëse.
Tani është koha dhe momenti që institucionet shqiptare të informojnë qytetarët se sa e rrezikuar është siguria kombëtare, dhe nëse po duhet thirrur me urgjencë Komisioni për Sigurinë Kombëtare, pasi shkresat që mund të jenë publikuar mund të shkaktojnë pasoja edhe më të rënda për shtetin shqiptar.
Kujtojmë që vetëm pak muaj më parë në Shqipëri plasi skandali i të dhënave personale, i listës së pagave, si dhe targave të makinave. Kjo do të thotë se nëse hakerat mund të kenë arritur të marrin informacione më të detajuara nga ana e institucioneve shqiptare gjatë sulmit kibernetik, atëherë jo vetëm të dhënat personale, por edhe e ardhmja e qytetarëve të vendit mund të pasohet me kërcënime serioze./ abcnews.al
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po mire mo pse duhet te jepni llogari neper gazeta se ca jeni duke bere. Ju vazhdoni punen dhe mos ju thoni atyre qe ne jemi duke bere kete apo ate. Nuk jeni te detyruar te na sqaroni ne me hollesi. Hiqni dore nga deklaratat apo hollesite per te gjitha rastet dhe jo vetem per kete. Ju i tregoni krimineleve se c'keni humbur apo c'ju kane mare,diku tjeter thone kush i fiku kamerat per vrasjen e djeshme dhe i mesoni qe duke fikur kamerat nuk gjendesh. Andej nga ana tjeter thuhet qe do fitojme kete apo ate ndeshje dhe do dalim te paret ne grup dhe rrifemi si derrat. Na hoqet trurin me keto idiotlleqe.