Te fundit
Arrestimi i avokatit, juristi: Si në komunizëm, kallëzimi penal është mjet ligjor
19 Tetor 2025, 21:44Kronika
TEMA
Avokati Redi Ramaj ka reaguar ashpër ndaj arrestimit të kolegut të tij, Ulian Bajrami, duke e cilësuar ngjarjen si një praktikë që i ngjan periudhës së komunizmit.
I ftuar në emisionin Terminal nga Aurora Sulçe në A2 CNN, Ramaj komentoi incidentin që ndodhi në sallën e Gjykatës së Elbasanit, ku një debat mes një prokurori dhe një avokati për provat e një çështjeje përfundoi me arrestimin e këtij të fundit.
Avokati Ulian Bajrami u vu në pranga 24 orë pas përplasjes, nën akuzat për “kanosje për shkak të detyrës”, “kundërshtim dhe goditje të gjyqtarit” dhe “kanosje të gjyqtarit”.
“Kisha vite që nuk dëgjoja në një gjykatë shqiptare fraza si ato të kohës së komunizmit, ku prokurori vendoste në sallë se kush do arrestohej. Këto janë reminishenca të një prapambetjeje kulturore”, tha Ramaj.
Ai shtoi se kolegu i tij kishte reaguar vetëm pas rënies në dijeni të një prove të manipuluar: “Ai avokat ishte në ushtrimin e detyrës, duke mbrojtur interesat e klientit të tij. Bërja e një kallëzimi penal është mjet ligjor, ndërsa arrestimi për një deklaratë të tillë është abuzim me pushtetin.”
Sipas Ramajt, përdorimi i masës së arrestit në këtë rast është “jo normal” dhe dëmton seriozisht imazhin e drejtësisë shqiptare. (A2 Televizion)
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
DREJTËSI? UZURPIM TOTALITAR I PUSHTETIT LEGJISLATIV, ABUZIM ME DETYRËN ZYRTARE. PROKURORIA DUHET TË DISTNCOHET NGA VEPRIMI BANDITESK I BANDITIT PROKUROR HALE.
Po ne Amerike si te duket mor avokat??!! Bie na nje çike ere komunizem??!! Ne Amerike, kur te paralajmeron gjykatsi ne sallen e gjyqit , po bere cubin te ledhaton!!
OR CUB. AVOKATI, PALËT JANË TË BARABARTË. KUR THOTË AVOKATI SE PROVAT JANË TË MANIPULUARA, AVOKATI KA KOMPETENCË JURIDIKE, KUDO NË BOTËN E STANDARDEVE JURIDIKE, GJYKATËSI NDËRPRET SEANCËN, SE BËHET FJALË PËR ABUZIM TË RËNDË ME PROCEDIMIN LIGJOR DHE NDËRMERR MASA DUKE ANGAZHUAR PROKUROR TJETËR NËSE DYSHIMI I REFEROHET PROKURORIT TË LËNDËS. NËSE DEL SE PROVAT JANË NË RREGULL, AVOKATI MJAFTON TË KETË INDICIE, VAZHDON PROCEDIMI, OSE, E KUNDËRTA, NËSE DEL SE PROVAT JANË TË MANIPULUARA, FLUTURON PROKURORI, OSE DËNOHET MANIPULUESI I PROVAVE. NJË RAST I TILLË I NDODHI PROKURORES NË RASTIN "SIMSON" NË AMERIKË. VRASJE E RËNDË KU KËRCISTE KËRCËNIMI DËNIM ME VDEKJE. E HËNGRI NJË INSPEKTOR I LARTË GJYGJËSOR I LARTË I CILI PAT MANIPULUAR PROVAT E GJAKUT. TI FLET SI NË PAZAR, SA PËR MUHABET DITE.
Keto prokurore jane atavizem mjerane te nje kohe qe menduam se e lame pas. Por jo , bijte bastard te pjelles se kuqe ,kane nostalgji per mesimet e diktatorit. Jo per ideologji,por per vjedhje.