“Atje më rrezikohet jeta” - Gjykata e Spanjës merr vendimin, vendos të ekstradojë Lulzim Berishën në Shqipëri

Gjykata e Shkallës së Parë në Spanjë ka vendosur pro ekstradimit të Lulzim Berishës në Shqipëri. Ky vendim nuk është perfundimtar pasi ai ka të drejtën e ankimit.

Pavarësisht se 52-vjeçari, i mbrojtur nga dy avokatë spanjollë, i kërkoi rreth një muaj më parë gjykatës që të mos dorëzohet në Shqipëri duke pretenduar se i rrezikohet jeta, dhe ka frikë nga një hakmarrje për shkak të së shkuarës së tij, Gjykata Kombëtare e Spanjës ka pranuar kërkesën e prokurorisë spanjolle për ekstradim.

Në gjyq, Prokuroria spanjolle ka përmendur të shkuarën e Lulzim Berishës, rrezikshmërinë që ai paraqet, dhe akuzat e ngritura nga Prokuroria e Posaçme.

Prokuroria ka theksuar se atij i rrezikohet jeta vetëm jashtë burgut, dhe duke ua dorëzuar Lulzim Berishën autoriteteve shqiptare, ai nuk do të rrezikohet në asnjë moment.

Megjithatë Lul Berisha, ish kreu i bandës së Durrësit, ka të drejtën për të apeluar, vendimin e Gjykatës Kombëtare në Gjykatën e Lartë të Spanjës.

Lulzim Berisha u arrestua në Spanjë në dhjetor të vitit 2023. Në vitin 2020, ai u shpall në kërkim nga SPAK për 2 vrasje të ndodhura në 2005-ën, atë të Vajdin Lames dhe Klodian Saliut, të cilat u zbardhën me 15 vite vonesë. Më vonë çështja ndaj Vajdin Lames u pushua dhe vijoi vetëm për Klodian Saliun.

Përveç vrasjeve, emri i Lulëzim Berishës lidhet edhe me trafik ndërkombëtar droge, prostitucion dhe trafik armësh. Lulzim Berisha u arrestua më 6 prill të vitit 2006 për 10 akuza, mes të cilave krijimin e një organizate kriminale dhe një seri vrasjesh e atentatesh të kryera në vitet ’98-’99.

Më 16 janar të vitit 2012, Gjykata e Krimeve të Rënda e dënoi me burgim të përjetshëm për gjashtë vrasje, por Gjykata e Lartë, në vitin 2014, rrëzoi dënimin me burgim të përjetshëm dhe vendosi dënimin me 25 vite burg për ish-kreun e bandës së Durrësit.

Ai qëndroi 10 vjet e tetë muaj në burg deri kur më 5 dhjetor të vitit 2016, u lirua me kusht nga burgu. Por më 27 maj të vitit 2022, ishte Gjykata Kushtetuese ajo që vendosi për rikthimin në burg të ish-kreut të Bandës së Durrësit, që duket se fshihej në Spanjë për t’ju shmangur përballjes me drejtësinë.

Plagosja me armë në Shkodër pas sherrit se kush do kalonte i pari në rrugë, tre të arrestuar dhe tre në kërkim

10:50 Kronika 2 komente

U nis të shkonte në dasmë por u plagos me armë! Si ndodhi ngjarja dje në Shkodër, sherri nisi se kush do kalonte i pari në rrugë

10:20 Kronika 1 koment

“Egli Progën e vrau i forti i Pogradecit”, avokati: Drejtësia dështoi

09:50 Kronika 2 komente

Dhunoi për vdekje 42-vjeçarin në Pogradec, zbardhet dëshmia e Denis Meçes: Më shau sa ktheva kurrizin!

09:42 Kronika 11 komente

Elton Halili, Vasjana Postol, Luljeta Kole - Le ta nisim me këta të tre

08:55 Kronika 3 komente

Më ndihmo të paktën ta di pse ma vranë djalin

08:38 Kronika 8 komente

Kush po e fsheh vrasjen e Eglantin Progës

08:23 Kronika 13 komente

Artan Hoxha: Dubai liron nga burgu Durim Bamin

08:17 Kronika 7 komente

Devolliu që i mashtroi me të dhënat e diplomates në Ambasadës së SHBA!

20:40 Kronika

“E pashë që u godit njëri me grusht në kokë, por s’e identifikova kush i ra”, kushëriri i Progës: I kërkova shokut të Denisit ta çonte në spital, s’pranoi

20:09 Kronika