Te fundit
''Daily Mail'': Nikulaj u vra për shkak të një mosmarrëveshjeje prej 80 mijë paundësh
1 Maj 2023, 16:00Kronika
TEMA
Detaje të reja kanë dalë në dritë për vrasjen e biznesmenit shqiptar Ardian Nikulaj.
Mediat britanike shkruajnë se vrasja e biznesmenit ka ardhur si pasojë e mosmarrëveshjes mbi 80 mijë paund mes dy familjeve Lekstakaj dhe Nikulaj.
Ndërkaq, tre të arrestuarit për komplotin për vrasjen ndaj 51-vjeçarit kanë dalë të shtunën (29 prill) në bankën e të akuzuarve në Gjykatën e Magjistraturës së Westminsterit pas një urdhër-arresti nga Shqipëria për ekstradimin e tyre.
Tre të akuzuarve, konkretisht 37-vjeçarit Edmond Haxhia, 49-vjeçarit Steven Hunt dhe 35-vjeçarit, Thomas Mathin iu caktua masa e paraburgimit, pasi akuzohen për atentatin e 19 prillit ndaj 51-vjeçarit Ardian Nikulaj në lokalin e tij, në Shëngjin.
Hunt, Haxhia dhe Mathin janë arrestuar në Britani nga policia mëngjesin e të shtunës (29 prill) dhe pak pas arrestimit të tyre, policia ka vënë në pranga edhe gruan britanike Harriet Bridgeman, 28 vjeç, në lidhje me vrasjen.
Ndërkohë në kërkim mbeten Ruben Saraiva, shtetas portugez, i dyshuar si ekzekutori dhe Harry Simson, shtetas britanik.
Policia e Shtetit vijon intensivisht punën, në bashkëpunim të ngushtë me partnerët për lokalizimin dhe kapjen e personave të tjerë të shpallur në kërkim në lidhje me ngjarjen.
Biznesmeni Ardian Nikulaj u ekzekutua mesditën e 19-prillit brenda lokalit të tij në vijën e parë të bregdetit të Shëngjinit.
Falë veprimeve të shpejta hetimore, policia nën drejtimin e Prokurorisë së Lezhës, arriti të zbardhë dhe dokumentojë ngjarjen, duke shpallur në kërkim 6 persona, 5 prej të cilëve shtetas të huaj, dhe nga të cilët 4 prej tyre janë kapur nga autoritetet në Angli./Daily Mail
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ata e bene vrasjen me bekimin dhe mbeshtetjen e asaj juristes qe u ka dale ne mbrojtje dhe cudi si se kane mare ne konsiderate kete policia dhe prokuroria e Lezhes. Le te kerkojne me shume dhe do te binden edhe vete se sa te paditur jane treguar.
80,000 mi pound? Po këta thane për 10 mi lek të vjetra?
Duke qene nje vrasje me paramendim ne grup... per hakmarrje.. shqiptaro-anglezi ka menduar mire nga nje ane dmth sa me shume persona per organizimin e krimit(5-6 persona) aqe dhe me pak vite burgimi do kete... por s'ka menduar qe hakmarrja ne ket rast krimi s'mbyllet me burgosje... por si gjithmone gjaku- lahet me gjak si è ka zakoni i zones ku banojne... dhe jo me kot jane vrare deri tani 4 persona mos gabofsha.
Kur duan i kapin po kur nuk duan thone se u larguan ne drejtim te panjohur.