Te fundit
Ekstradimi i Florenc Çapjas - Klodiana Lala: Dubai jo më vend i sigurtë për personat e botës së krimit
5 Maj 2025, 15:50Kronika
TEMA
Gazetarja Klodiana Lala ka folur mbi ekstradimin nga Dubai të Florenc Çapjas tre ditë më parë, për të cilin GJKKO ka konfirmuar masën e sigurisë “arrest në burg.
Lala në Euronews Albania ka bërë një pasqyrim të faktit se pse u ekstradua Çapja dhe si qëndron momenti i arrestimit të tij.
Në këndvështrimin e Lalës, Dubai nuk duket më një vend i sigurtë për pesonat e botës së krimit.
“Nuk është më Dubai streha e sigurtë. Duket sikur ka një marëveshje të heshtur mes qeverisë shqiptare dhe autoriteteve në Dubai, për të përzënë në forma apo mënyra të ndryshme.
Policia thotë ekstradim, vetë personat në konflikt me ligjin thonë dëbim ose është dëshirë e tyre për të ardhur në Shqipëri, por fakti që pas Plarent Dervishajt, Julian Meçajt, u ekstradua Florec Çapja dhe erdhi në Shqipëri, do të thotë se Dubai nuk është më strehë e sigurtë për njerëzit e krimit.
Sipas meje autoritetet shqiptare po dërgojnë atje të dhëna, ose email-e, ose dosje duke tentuar të bindin autoritetet në Dubai se këto personazhe përbëjnë kërcënim për sigurinë e këtij vendi.
Florenc Çapja ishte në shëtitje me të birin në momentin kur autoritetet janë afruar dhe i kanë thënë që duhet të vish me ne sepse të ka skaduar afati i dokumentave, e më pas e kanë sjellë në drejtim të Shqipërisë. Nuk është tamam ekstradim. Ekstradimi do të thotë të ketë një marrëveshje dypalëshe të miratuara përmes Ministrisë së Drejtësisë.
Mendoj që po ekstradohen të gjithë njerëzit e përfshirë në organizatë kriminale dhe vrasje. Këtë lloj ndjeshmërie nuk e kanë për rastet e tjera pasi atje mund të kemi shumë të dënuar të tjerë për vepra më të lehta penale, por nuk ka patur një anagazhim të autoriteteve në Dubai për ti përzënë”, tha Lala.
Ndër të tjera, gazetarja ngre pyetjen se kush është në të vërtetë Florenc Çapja dhe pse e duan në Shqipëri.
“Është një personazh i cili është akuzuar për vepra shumë të rënda penale. Nuk janë provuar akuzat për vite me radhë. Me të drejtë ose jo është dërguar me burgim të përjetshëm për një vrasje të kryer në 2012, ku u vranë babë e bir.
Më tej ka dyshime për një akuzë të re “për krijim të kushteve për të kryer vrasje” në dëm të Sokol Sanxhaktarit. Njihet gjithashtu si kundërshtar i përbetuar i Suel Çelës.
Ngarkesa e tij penale ishte shumë e rëndë dhe mendoj se autoritetet në Dubai nuk po bëhen më strehë për këta njerëz të cilët mund të sjellin problematika për sigurinë e këtij vendi”, tha Lala.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Dubai po i sjell nje nga nje kriminelet, mbas punes serioze qe beri Ministri Brendshem, i Drejtesise ne viziten ne Dubai, ku takuan autoritetet dhe u cuan dosjet kriminale te tyre, keshtu qe Dubai nuk ka pse te mbaje nje kriminel ne shtetin e vet. Te tjere do te vijne, nje nga nje. Kur Policia, Ministria e Drejtesise e mbeshtet luften ndaj krimit, punet ecin, dhe SPAKu do kete suksese.
SPAK po lufton vetem kunder krimit te organizuar sa per ministrat qe permende ti nuk do ishte levizur nje gur nga Dubai, policia eshte teper e zene duke vene gjoba qytetarve hallexhinj
Une kam punuar ne Dubai 5 vjet si security, Dubai nuk pyet as kush je ,as nga vjen, te hiq lejen e qendrimit, te kris documents pa te dhene shjegime, d.m. th nuk I rruhet se kush je. Jane keto te korrupturit e Shqiperise qe nuk bejne kerkersa ekstradimi.