Te fundit
EMRI/ I dënuar në Itali me 21 vite burg për trafik droge, sekuestrohet pasuria 3 mln euro e 54-vjeçarit, mes tyre dy resorte në Sarandë
22 Shkurt 2023, 16:06Kronika
TEMA
Policia e Tiranës ka sekuestruar rreth 3 milionë euro pasuri në kuadër të operacionit "Resort 2012", të cilat dyshohet se rrjedhin nga veprimtaria kriminale.
Pasuria i është sekuestruar shtetasit Emiljan Burba, 54 vjeç, banues në Tiranë, i cili është ndaluar në Tiranë, në vitin 2014, dhe është ekstraduar në Itali, pasi Gjykata e Apelit në Torino, Itali, e ka dënuar me 21 vjet burgim, për trafik droge.
Emiljan Burbës i është sekuestruar dy ndërtesa (resorte), në Sarandë, një automjet (kamion) dhe një rimorkio, vlera e të cilave shkon rreth 3 milionë euro.
Nën drejtimin e Prokurorisë po vijon puna për të zbuluar asete të tjera që ky shtetas ose familjarët e tij mund t’i kenë regjistruar në emër të personave të tjerë.
Konkretisht, Prokuroria Tiranë sekuestroi pasuritë e mëposhtme:
- Pasuria e poseduar nga shtetasi E. B., në qarkun Vlorë, njësia Delvinë adresa Vane, ndërtim pa leje aplikuar për legalizim;
- Pasuria e poseduar nga shtetësja F.B., në qarkun Vlorë, njësia Vergo, adresa Vane, ndërtim pa leje, aplikuar për legalizim;
- Subjektin me nr. (NUIS) L871…, EMIL-2018, me administrator shtetasin E.B.; si dhe
- Asete të deklaruara të këtij subjekti: një kamion dhe një rimorkio.
Më të lexuarat
24 oret e fundit
Javen e fundit
Blog Tema
Lini një Përgjigje