Te fundit
Kishte kultivuar 137 bimë kanabisi në fshatin Jubicë, arrestohet 54-vjeçari në Malësinë e Madhe
10 Shtator 2025, 10:42Kronika
TEMA
Një 54-vjeçar i cili kishte kultivuar 137 bimë narkotike kanabis në fshatin Jubicë është vendosur në pranga.
54-vjeçari me inicialet I. R u kap në flagrancë teksa ishte në parcelë. Bimët narkotike u asgjësuan me anë të djegies.
“Në vijim të veprimeve hetimore dhe operacionale të kryera në kuadër të operacionit policor antikanabis, të koduar “Koordinata”, specialistët për Hetimin e Krimeve të Komisariatit të Policisë Malësi e Madhe arrestuan në flagrancë shtetasin I. R., 54 vjeç, banues në fshatin Jubicë.
Nga hetimet e kryera në bashkëpunim me DVKM Shkodër, dyshohet se ky shtetas ka kultivuar 137 bimë të dyshuara narkotike Cannabis Sativa, në tokë publike, në fshatin Jubicë, vend ku u kap në flagrancë nga shërbimet e Policisë. Bimët narkotike u asgjësuan me anë të djegies”, informoi sot policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Më të lexuarat
24 oret e fundit
Javen e fundit
Blog Tema
Lini një Përgjigje