Te fundit
Procesi ndaj Metës dhe Kryemadhit/ Avokati kërkon në gjyq Ramën dhe 150 dëshmitarë të tjerë
18 Qershor 2026, 19:20Kronika
TEMA
Avokati i kreut të Partisë së Lirisë, Ilir Meta, deklaroi se mbrojtja ka paraqitur prova të reja në procesin që po zhvillohet në GJKKO, duke pretenduar se kryeministri Edi Rama duhet të thirret si person në dijeni për disa episode që lidhen me çështjen.
Pas përfundimit të seancës gjyqësore, avokati Kujtim Cakrani u shpreh se mbrojtja nuk arriti të paraqiste të gjitha kërkesat dhe provat që kishte planifikuar, përfshirë një listë të gjerë dëshmitarësh që, sipas tij, mund të ndihmojnë në zbardhjen e rrethanave të çështjes.
“Nuk arritëm të parashtronim kërkesat tona dhe t’i paraqisnim provat me dëshmitarë gjykatës. Këto prova, nëse pranohen, do të jenë shumë të rëndësishme për procesin”, deklaroi Cakrani.
“Lista nis me kryeministrin Edi Rama. Do t’i paraqesim gjykatës materiale filmike që, sipas nesh, tregojnë pse ai është një person kyç që duhet të flasë për këtë çështje. Kjo do t’i japë gjykatës dhe prokurorisë një panoramë më të gjerë”, tha ai.
Cakrani kritikoi gjithashtu vendimin e gjykatës për të mos lejuar filmimin e seancës nga mediat, duke e cilësuar mungesën e transparencës si problematike për interesin publik.
“Keqardhje që gjykata nuk lejoi mediat të filmonin. Publiku duhet të njihet me atë që ndodh në sallën e gjyqit”, u shpreh avokati.
Procesi ndaj Ilir Metës vijon në Gjykatën e Posaçme, ndërsa mbetet për t’u parë nëse gjykata do të pranojë kërkesat e mbrojtjes për administrimin e provave të reja dhe thirrjen e dëshmitarëve të propozuar.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
cfare gjyqi i beni ketij mbreti te korrupsionit, erdhen ne Tirane ne 1991 me atlete grisura dhe pa punuar asnje dite ne jete dhe jetojne neper vila miljona dollarshe, apo se harrova te gjitha pasurite i kane me pensionin e vjerres, poshte hjdutet e ish sigurimit te shtetit
Lironi te denuarin Plolitike Ilir Meta!!!