Saimir Sula erdhi pa zemër në atdhe, motra e tij protestë para Ministrisë së Drejtësisë: Bëhet fjalë për trafik organesh

23 Maj 2023, 18:17Kronika TEMA

Saimir Sula erdhi pa zemër në atdhe, motra e tij protestë para

Majlinda Sula, motra e të ndjerit Saimir Sula, dhe familjarët e tjerë të këtij të fundit kanë protestuar sërish ditën e sotme para Ministrisë së Drejtësisë me pankarta në duar.

Trupi i Saimir Sulës erdhi nga Spanja në atdhe pa organin e zemrës dhe familjarët e tij i kërkojnë ministrit Ulsi Manja të kontaktojë me homologët spanjollë për zbardhjen e ngjarjes.

Motra e Saimir Sulës pretendon se bëhet fjalë për një rast të trafikut të organeve dhe se prokuroria shqiptare, ende nuk ka bërë asnjë veprim për të hetuar plotësisht denoncimet e familjarëve.

“Këtu logjikisht ka trafik organesh. Nëse nuk është trafik organesh, ku është zemra? Nuk po mendojmë për nj moment që është trafik organesh, ma thoni ju ku është zemra dhe pse është kaq e vështirë të bëhet një ADN. Zoti Manja në 3 vite rradhazi, ju mbajtët heshtje. Nuk i kërkuar llogari homologes për 7 letër porositë që janë dërguar.

Zonja Suela Salavaçi prokurore e rastit në Shqipëri, keni një rat të hapur për trafik organesh. Kodin Penal nuk e kemi bërë ne si familje. Nëse keni një rast të tillë, ju këtë rast më tregoni si do e mbyllni? Pse nuk e hetoni, pse nuk është vijuar hetimi në 3 vite? Unë iu kam nisur me një USB videot e vdekjes së vëllait tim, pse nuk keni interes për të parë këto video ku tregohet Saimiri i masakruar nga 8 rojet e spitalit publik në Spanjë?”- u shpreh Majlinda Sula, motra e të njërit Saimir Sula.

1 Komente

  1. I
    Ilirjan

    Avokati i popullit ku eshte.. a frymon akoma? Shtet cinglash... Parazite.

    Lini një Përgjigje