Te fundit
Shiste drogë të kamufluar pas paketimeve me figura sportistësh të njohur, arrestohet 22-vjeçari shqiptari në Itali
22 Janar 2025, 15:25Kronika
TEMA
Karabinierët e Bolonjas arrestuan një 22-vjeçar shqiptar, i njohur për policinë për shkak të precedentëve penalë të mëparshëm.
Një makinë tërhoqi vëmendjen e oficerëve, teksa në bordin e saj ndodheshin dy persona, e ndaluar në parkingun pranë stacionit të trenit Lama di Reno, me motorin ndezur. Pas kontrollit, ushtarët u kapën menjëherë nga era tipike e fortë e një lënde narkotike, e cila vinte nga brenda kabinës së pasagjerëve.
30-vjeçari italian dhe pasagjeri, 22-vjeçari i arrestuar shqiptar, janë shfaqur nervozë për kontrollin. Brenda çantës së shpinës u gjetën 810 gramë lëndë narkotike të llojit hashash, e ndarë në 32 doza të paketuara, në të cilën shfaqej figura e një boksieri të njohur amerikan.
Gjithashtu, nga kontrolli u bë i mundur gjetja dhe sekuestrimi i një shume parash në vlerë 2075 euro cash në kartëmonedha të prerjeve të ndryshme, të gjetura brenda xhaketës së shqiptarit, informon media italiane.
Kontrolli kaloi në banesën e 22-vjeçarit, ku u gjetën edhe 10 gramë hashash të tjera. Pasi është izoluar në paraburgim, i arrestuari doli në gjykatë, ku iu caktua edhe masa e arrestit shtëpiak.
Më të lexuarat
24 oret e fundit
Javen e fundit
Blog Tema
Lini një Përgjigje