Te fundit
Si e ‘fundosi’ i vëllai Alda Klosin, dëshmitë kontradiktore për burimin e 120 mijë eurove
8 Shkurt 2023, 12:27Kronika
TEMA
Dëshmitë kontradiktore të dhëna nga Alda Klosi, kanë bërë zyrtares t’i vihet pranga. Burimi i 120 mijë eurove është justifikuar ndryshe nga ajo, e ndërsa i vëllai ka pasur një tjetër dëshmi.
Report Tv ka mësuar se vëllai i Alda Klosit, Leonard Çiko është shprehur se 120 mijë euro e ka marrë hua nga një shtetas që ka biznes në datë 2 nëntor 2022, rreth 1 muaj para nga deklarimi i Alda Klosit.
Nisur nga kjo dëshmi, është ngritur pyetja se “përse Alda Klosi nuk ka deklaruar në 15.12.2022, kur dhe ka ndodhur ngjarja vjedhjen e shumës prej 120 mijë euro që ishte marrë nga i vëllai dhe përse kjo shumë mbahej në banesën e marrë prej saj me qira.
"120 mijë euro nuk janë të miat, por i takojnë xhaxhait të ndjerë që i ka mbledhur nga kursimet e tij ndër vite”, mësohet të ketë thënë Alda Klosi.
“120 mijë eurot janë marrë hua nga një shtetas që ka aktivitet biznesi”, mësohet të ketë thënë vëllai i Alda Klosit.
Nga ana tjetër, e paqartë për grupin hetimor është fakti se përse edhe në dëshminë e dytë 6 janar 2023 ka vijuar i ka qëndruar dëshmisë së sa se paratë i përkasin xhaxhait të sëmurë në Amerikë dhe jo huaja e marrë nga i vëllai, me këtë të fundit që pretendon se ka edhe një akt noterial.
Pikërisht, për shkak të këtyre pyetjeve që nuk kanë marrë një përgjigje të saktë, ka bërë që policia t’i vërë prangat Alda Klosit pasi ka dyshimet të forta se këto deklarime janë të rreme me qëllim që të fshihet burimi i vërtetë të të ardhurave.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo është një hajdute e korruptuar dhe hunderre (me lejen e z.Çupi),pa bërë asnjë hetim. Populli i revoltuar ,i shtypur dhe i pafuqishëm shqiptar,ka si të vetmen armë,gezimin dhe entuziazmin kur kapen këto zgjyrra,edhe pse nuk e njohim dhe nuk kemi asgjë personale me të. Vjedhja,korrupsioni dhe degjenerimi i administratës shtetërore është emergjenca absolute kombëtare.
ore po per ate zyrtarin tjeter pse nuk ka me asnje lajm?! e paska lyer mire rroten e Medias , pervec prokurorise, mesa duket