Te fundit
Zbardhen bisedat mes doganierëve të arrestuar në pikën kufitare të Qafë Botë, si i kërkuan 150 € shqiptarit për të mos i vënë gjobë
6 Korrik 2025, 16:33Kronika
TEMA
14 oficerët e doganave të arrestuar në Mavromat (Qafë-Botë) për ryshfet, u sollën në zyrën e hetuesit të Igumenicës të dielën në mëngjes.
Personat e përfshirë në këtë rast dyshohet se kanë marrë mbi 300 ryshfete, që arrijnë deri në 300 euro, me qëllim që të linin makinat të kalonin pa inspektim.
Bisedat e regjistruara nga Policia Greke janë pjesë e dosjes hetimore dhe tregojnë hapur se si funksiononte skema e ryshfetit. Punonjësit e doganës lejonin kalimin e mjeteve vetëm nëse u “lije një kafe” – një shprehje e koduar për para në dorë. Sipas Epiruspost, praktika korruptive dyshohet të ketë nisur që në muajin mars.
Një nga bisedat e regjistruara në prill tregon përfshirjen e një punonjëseje të re në skemën korruptive:
Punonjësja më e vjetër: …më vonë do jesh edhe ti në lojë… besoj se të ka folur z. K…
Punonjësja e re: Po, po, më ka thënë.
P.m.v.: Avash-avash, do nisin edhe bakshishet…
P.r.: Po, po, m’i ka shpjeguar.
P.m.v.: Prandaj edhe turnet janë gjithmonë me dy apo tre veta, që të jenë vendime në grup dhe të mos dalim të zbuluar.
Në një tjetër përgjim, doganierët shmangin vendosjen e gjobës për të marrë para në dorë:
Punonjësja: Përshëndetje, kush je? (pra cili automjet)
Qytetari: Jam Peugeot-i.
P: Bukur, ke gjë në makinë?
Q: Jo gjë të madhe… pak djathë, pak barishte…
P: Ke marrë vaj?
Q: Po, vaj kam.
P: Sa litra?
Q: Rreth dhjetë.
P: Dhjetë apo njëzet? Po të vij dhe të gjej më shumë se dhjetë, çfarë do bëjmë?
Q: Nuk e kam peshuar saktë…
P: Të pyeta sepse ndalohet. Të them nëse të gjej më shumë se dhjetë, çfarë bëjmë?
Pastaj ndërhyn një koleg:
Punonjës mashkull: Çfarë ka në makinë?
P: Ka vaj, djathë, mish…
P.m.: E ke parë makinën?
P: Jo akoma, po negocioj…
P.m.: Hajde sill pak ta shoh… pastaj flasim për pjesën tjetër.
P: Hap makinën të shohë kolegu.
P.m.: Zotëri, hajde pak këtu. Këtu je? Lëre një kafe dhe ik. Po të them, lëre një kafe dhe ik.
Q: Të iki?
P.m.: Po, lëre një kafe dhe ik. I the që ke 10 litra dhe ke 30 brenda?! Hajde, futu brenda. Mos të shohin të tjerët… lëre një kafe dhe ik.
P: Sa kishte?
P.m.: Kishte 30 litra vaj.
P: E dija që kishte më shumë, prandaj i thashë të më tregonte para se të dilja.
P.m.: I the që kishte 10 dhe kishte 30?! Hahaha. Ka pasur kaq shumë gabim peshorja?
Q: Kam vite që vuaj nga kanceri…
P.m.: Hajde, ik tani. Mirupafshim.
P: 50.
P.m.: Sa la? Çfarë… oh m… hahaha.
Në një bisedë tjetër, dy punonjës ndajnë fitimet:
Punonjësi mashkull: Mos u anko fare, sot ishte një ditë shumë e mirë.
Punonjësja: Bravo S…
P.m.: Ishte ndër më të mirat. Edhe pse ishim pak sot, apo jo?
P.f.: Normal.
P.m.: 12 e gjysmë.
P.f.: Mirë jemi.
“Çohu, sill lekët dhe zhduku”: Zëvendësojnë gjobën me ryshfet 150 euro
Një tjetër rast i rëndë është ai i një qytetari shqiptar, i cili detyrohet të japë 150 euro për të shmangur një gjobë prej 3.000 eurosh:
Punonjësi: Ke 7 muaj në Greqi.
Qytetari: Si?
P: Ke 7 muaj që je këtu.
Q: Makinën e solli kushëriri…
P: Ke shkelje. Ta konfiskoj makinën dhe të vendos gjobë 3.000 euro. Lëre makinën, ma sill bosh. Nuk ke të drejtë të qëndrosh në Paksos me makinë shqiptare si qytetar grek.
Q: Në rregull.
P: Rri në karrige. Do kemi problem. Nuk kalon dot. Makinën ma lë këtu. Je 7 muaj?
Q: Jo, jo!
P: Thuaj të vërtetën, mos më detyro të bërtas. Dëgjojnë policët. Je 7 muaj?
Q: Jo 7.
P: 6?
Q: Diku aty…
P: E di sa kushton kjo? Janë mbi 3.000 euro.
Q: Gjoba?
P: Po… Shko në makinë, sill 150 euro. Mos më detyro të them 200. Nuk do ta regjistroj gjobën.
Q: Të shkoj?
P: Hajde këtu. Shko sill 150 euro. Do ta gris letrën. Çohu, sill 150 euro dhe zhduku. Kur do kthehesh prapë? Që ta kemi parasysh… Do të të caktoj të martën.
Q: Dakord.
P: Mos qëndro më shumë se 6 muaj herën tjetër…
Q: Jo.
P: Kur të të pyes ku shkon, thuaj në Igumenicë.
Q: Në Igumenicë po shkoj.
P: Thuaj në Igumenicë dhe mbarojmë punë./ IEFIMERIDA
Më të lexuarat
24 oret e fundit
Javen e fundit
Blog Tema
Lini një Përgjigje