VIDEO/ Zgjedhjet e 11 majit - Proda takim me Celibashin: Kush cenon procesin, do përballet me pasojat ligjore

Drejtori i Përgjithshëm i Policisë së Shtetit, Ilir Proda, zhvilloi sot një takim me kreun e KQZ-së Ilirjan Celibashi, në kuadrin e trajnimeve dhe përgatitjeve të uniformave blu për mbarëvajtjen gjatë dhe pas procesit për zgjedhjet parlamentare të 11 majit.

Kreu i Policisë së Shtetit ka shprehur mbështetje për një proces zgjedhor të qetë dhe të besueshëm.

Një pikë e rëndësishme e takimit ishte bashkëpunimi i Policisë së Shtetit me Komisionin Qendror të Zgjedhjeve, Prokurorinë e Posaçme (SPAK) dhe me Prokurorinë e Përgjithshme, në kuadër të Protokollit të Koordinimit për Hetimin dhe Ndëshkimin e Krimeve Zgjedhore. Palët ritheksuan angazhimin për të luftuar çdo përpjekje për të cenuar integritetin e zgjedhjeve, duke siguruar se çdo rast do të trajtohet me seriozitet dhe profesionalizëm.

“Policia e Shtetit do të zbatojë me përpikmëri detyrimet e saj ligjore dhe do të ndjekë çdo rast të denoncimit të krimeve zgjedhore, duke bashkëpunuar ngushtë me KQZ-në dhe me institucionet e tjera. Askush nuk mund të cenojë procesin zgjedhor, pa u përballur me pasojat ligjore”, -u shpreh Proda.

Gjithashtu, Proda theksoi se Policia do të jetë aktive, jo vetëm në sigurimin fizik të procesit zgjedhor, por dhe në identifikimin dhe adresimin e çdo shkeljeje të ligjit zgjedhor, në bashkëpunim me organet e drejtësisë.

Ndërkaq, Komisioneri Celibashi theksoi: “Policia e Shtetit është një partner i rëndësishëm në garantimin e zgjedhjeve të lira dhe të ndershme. Bashkëpunimi i ngushtë mes institucioneve tona është jetik për të krijuar një mjedis të sigurtë dhe të qetë për të gjithë votuesit”.

Më tej, gjatë takimit u diskutuan në mënyrë të detajuar, aspekte të rëndësishme si:

Parandalimi dhe ndëshkimi i krimeve zgjedhore, siç janë blerja e votave, presionet ndaj votuesve dhe keqpërdorimi i burimeve shtetërore gjatë fushatës; Forcimi i bashkëpunimit mes Policisë, KQZ-së, SPAK dhe Prokurorisë së Përgjithshme për të hetuar dhe ndëshkuar çdo shkelje të ligjit zgjedhor;Zbatimi i masave të shtuara të sigurisë gjatë periudhës parazgjedhore, ditës së votimit dhe numërimit të votave, duke parandaluar çdo incident të mundshëm; Trajnimi i strukturave policore mbi detyrimet ligjore dhe procedurat që lidhen me procesin zgjedhor, duke përfshirë identifikimin dhe raportimin e veprave të paligjshme.

VIDEO/ Rama inspekton Bazën Ajrore të Kuçovës: Po kthehet në një aset strategjik të NATO-s

15:00 Politika 10 komente

Zgjedhjet e 11 majit: Ja si mund të jetë fleta e votimit! KQZ ia dërgon partive politike për konsultim

14:44 Politika 3 komente

VIDEO/ Spiropali në homazhet për babanë e Thaçit: Të kam sjellë një dorë dhe' nga Shqipëria! Në mungesë të Hashimit do të të përcjellim ne

14:03 Politika 8 komente

VIDEO/ “SPAK ka kryer punë me Myslimin”, Murrizi del nga Prokuroria e Posaçme: Do e merrni vesh shumë shpejt...

13:37 Politika 36 komente

VIDEO/ Balla në Skënderaj, merr pjesë në ceremoninë e lamtumirës së babait të Hashim Thaçit

13:22 Politika 3 komente

Zgjedhjet në 11 maj, Rama takim me shqiptarët në Kretë në datë 29 mars

13:05 Politika

Hasani mirëpritet nga homologu francez Jean-Noël Barrot: Shqipëria u vlerësua për progresin drejt BE-së dhe kontributin në stabilitetin rajonal

12:36 Politika 5 komente

Zgjedhjet e 11 majit: Ja kush do të kryesojë misionin e vëzhguesve të OSBE/ODIHR

11:59 Politika

VIDEO/ “O Rame, ku i ke shokët” - Zërin e kasetofonit në maksimum, Lul Basha thumbon Ramën nga makina

11:18 Politika 17 komente

Habit kandidatja për deputete: Lotët e qytetarëve për Tom Doshin më bënë t’i bashkohem

11:08 Politika 59 komente