Zjarret në vend - Drejtori i Shërbimit Zjarrfikës: Mbi 90% janë të shkaktuara nga dora e njeriut, zonat më të rrezikuara

Vatrat më problematike në vend në 24 orët e fundit janë në Dibër, Bulqizë, Mallakastër dhe Vaun e Dejës. Në një intervistë për “Sot Live në Shqipëri“ në Report TV, drejtori i Shërbimit Zjarrfikës, Arben Cara theksoi se në këto vatra, shuarja është bërë e vështirë për shkak të terrenit të vështirë dhe zonës së pyllëzuar.

“Është punuar me të gjitha kapacitetet, por terreni i vështirë, masivi i madh i shkurreve dhe pishave kanë bërë që këto zjarre të vazhdojnë me ditë dhe nuk janë vënë akoma nën kontroll.“, u shpreh Cara.

Ai tha se pjesa më e madhe e vatrave të zjarrit, më shumë se 90% janë të shkaktuara nga dora e njeriut.

Sipas tij, më të rrezikuara nga zjarret janë kryesisht zonat malore dhe kodrinore, por edhe të tjerat. Më të rrezikuara, tha ai, janë, Fieri, Vlora, Lezha e Berati. 

Cara tha se është alarmante që sivjet, zjarret kanë filluar të jenë prezente më shpejt sesa vitet e tjera.

“Aty ku kemi të bëjmë me ullinj dhe pranë banesave, zjarret janë kryesisht nga dora e njeriut, një përqindje e vogël janë aksidentale nga banorët që bëjnë pastrimet e parcelave të ullinjve apo arat që kanë. Kryesisht vatrat janë nga dora e njeriut dhe të qëllimshme. Ka një dorë që po e krijon këtë situatë.

Vetëm 24 orët e fundit kemi pasur 30 shfaqje zjarri nga këto 17 vatra aktive. Ndryshimet klimatike bëjnë të sajën, ndikojnë në rritjen e numrit të zjarreve por nëse zjarri nuk vendoset nga dikush, vetë nuk aktivizohet.. Vatrat e zjarrit në 90 përqind apo më shumë është nga dora e njeriut dhe është një gjendje alarmante.

Edhe pse policia e shtetit ka bërë punën e saj dhe shoqëruar disa persona të dyshuar për zjarrvënie, në këtë rast i mbetet drejtësisë të argumentojë nëse janë me qëllim, por prapë komuniteti ka rol të rëndësishëm, i cili më shumë se asnjëherë tjetër na është bashkuar, duke pasur lajmërim të hershëm në menaxhimin e vatrave.

Pasi kanë qenë rreth 30 shfaqje, ku të gjitha vatrat që nuk janë aktive, janë vendosur në kontroll nga vetë komuniteti dhe i ndihmuar nga shërbimi zjarrfikës. Jemi në gjendje alarmante se sivjet zjarret kanë startuar më shpejt se vitet e tjera“, u shpreh ai.

VIDEO/ Thyen dhe grabitën të njëjtën tabakino dy herë në Tiranë, arrestohen dy të rinj, procedohen dy të tjerë

13:01 Kronika 2 komente

Prisnin emigrantë që t’i transportoni kundrejt pagesës, arrestohen në flagrancë dy persona në Gjirokastër

12:24 Kronika

Ilir Meta mbetet në burg

12:14 Kronika 2 komente

Peqin/ Arrestohet 20-vjeçari që organizonte lojëra fati nëpërmjet celularit, kundërshtoi me forcë policinë gjatë shoqërimit

11:55 Kronika 1 koment

Ilir Meta kërkon zbutje të masës së sigurisë, gjykata tërhiqet për vendim

11:23 Kronika 1 koment

Shtyhet seanca për dosjen “Plumbi i Artë” për në 2 shtator/ Shkak mungesa e avokatit të Nuredin Dumanit

10:51 Kronika

Lihet në burg babai i 17-vjeçares që tentoi vetëvrasjen në Vlorë

10:41 Kronika 4 komente

VIDEO/ Zbulohen mbi 3 mijë bimë narkotike në Shkodër, nisin hetimet për dy kryetarë fshatrash dhe për rojen e mjedisit të zonës

10:18 Kronika

Fation Bushgjokaj mohon vrasjen e Renis Dobrës: Kemi punuar me drogë në Gjermani

10:03 Kronika 7 komente

Aksioni për sigurinë ushqimore, Drejtoria e Tatimeve: Në 3 ditë janë sekuestruar mbi 20 ton mall

09:52 Kronika