“Agonia” e Odise Kotes, mbyllet "Tetori i librit" me takim në Gjirokastër

Romani “Agonia” sjell detaje nga një periudhë e dëshpëruar e shpqërisë shqiptare pas viteve ’90 e sidomos përgjatë vitit ’97.

Në qendër të romanit është dashuria e dy të rinjve, ku partnerja është e huaj, marrëdhënie që vjen në një kohë të trazuar dhe reflekton agoninë e atyre viteve, dëshpërimin, pasigurinë dhe krizën identitare të personazheve.

“Le ta quajmë një roman të kujtesës kombëtare.Ky roman përmbledh ngjarjet e vitit 1997, ngjarje të cilat janë një qortim i madh i shkrimtarit për klasën politike të asaj kohe që për pak e la Shqipërinë të binte në greminë. Është një qortim i madh edhe për veset, problemet, frakturat për atë zhgun që ishte në triumf gjatë vitit 1997. Si shkrimtar unë e vlerësoj si një qortim të madh për klasën politike por edhe për popullin tim, ashtu si Homeri kritikoi grekët për tejkalimin e së drejtës, ashtu si shkrimtarë të tjerë deri tek Kundera dhe Faik Konica duhet të jemi gjithnjë vigjilentë dhe të mos pranojmë asnjëherë që të triumfojë e keqja, zhguni dhe rruga sepse jo vetëm vëmë në pikëpyetje ekzistencën tonë si njerëz por edhe të familjes, komunitetit dhe vetë Shqipërisë”, tha shkrimtari.

Mimoza Zeko pedagoge e letërsisë në universitetin “Eqrem Çabej” tha se romani ofron një strukturë të thjeshtë pavarësisht ndërlikimeve emocionale. Fjalitë e shkurtra pasqyrojnë forcën e një stili të pahasur shpesh dhe përkojnë me gjendjen komplekse të personazheve dhe agonisë që qëndron mbi ta.

“Natyrisht që libri i drejtohet gjithë lexuesve, do thoja edhe një lexues pak i zgjedhur sepse stili i autorit nuk është thjesht tradicional, me një ngjarje apo subjekt të thjeshtë por është një stil që ndërthur brenda disa elementë. Ndikimi nga publicistika apo rrugëtimi i tij si gazetar reflektohet tek fragmentarizmi që ai përdor në roman ose tek risjellja e subjekteve dhe ngjarjeve me një këndvështrim të ri. Është një vepër që duhet lexuar dhe studiuar”, u shpreh Zeko.

Shkrimtari Odise Kote ka lindur dhe jetuar në Gjirokastër. Një pjesë e subjekteve të librave të tij e marrin inspirimin prej personazheve realë dhe ngjarjeve të jetuara e të përjetuara edhe gjatë ushtrimit të profesionit të tij si gazetar. A.K./TemA

“Arkivat” me platformë të re kërkimore audio e video, 8 071 kaseta nga fondit personal i diktatorit Hoxha

11:02 Kulturë

Vitrina e Teatrit, Shqipëri-Kosovë/ Mbi 100 të ftuar, 10 shfaqje teatrale nga Shqipëria dhe Kosova

08:45 Kulturë 1 koment

Përmbledhje e historisë së FMN, BB dhe OBT, promovohet libri i ekspertit të ekonomisë Anastas Angjeli

19:04 Kulturë 1 koment

Prof. asoc. dr. Marenglen Kasmi vlerësohet me çmimin “Sami Frashëri” për veprën monografike historike "Wilhelm zu Wied dhe Shqipëria”

16:19 Kulturë 1 koment

FESTIVALI I DRITAVE/ Nju Delhi feston “Diwald”-in, llamba dhe qirinj për të simbolizuar triumfin e dritës

16:00 Kulturë

“Ujëvara e Grunasit në Theth… ndoshta vendi më romantik në Shqipëri!”

13:53 Kulturë

Ekspozita "Letra nga ferri, dëshmitë e terrorit, torturës në birucat

12:02 Kulturë

FOTO+VIDEO: Ardian Vehbiu mban ligjërimin "Rreth krizës së autoritetit në albanologji"

11:39 Kulturë 2 komente

Vepër arti e arkitekturës moderne, Rama dhe Veliaj tregojnë pamje të Teatrit të Ri të Tiranës

11:19 Kulturë

Fustanet otomane/ Ekspozita e stilistes Mirela Nurçe “udhëtim në perandorinë Osmane”

10:00 Kulturë 3 komente