Te fundit
AQSHF ka përfunduar restaurimin digjital të filmit artistik "Guximtarët"
15 Korrik 2026, 17:59Kulturë
TEMA
Arkivi Qendror Shtetëror i Filmit (AQSHF) ka përfunduar restaurimin digjital të filmit artistik “Guximtarët” (1970), me regji të Gëzim Erebarës, duke i rikthyer publikut një nga veprat më të dashura të kinematografisë shqiptare në një cilësi të re pamore dhe teknike.
Restaurimi përfaqëson një hap të rëndësishëm në ruajtjen dhe promovimin e trashëgimisë kombëtare të filmit. Përmes këtij procesi, një prej filmave që ka lënë gjurmë në historinë e kinemasë shqiptare u ofrohet brezave të rinj në standarde bashkëkohore, ndërsa garantohet edhe ruajtja e tij për të ardhmen.
Sipas AQSHF-së, restaurimi digjital i veprës është realizuar në studiot Augustus Color në Romë, me mbështetjen financiare të partnerëve, të cilët kanë kontribuar në rikthimin në jetë të një prej filmave më të rëndësishëm të fondit kinematografik shqiptar.
Arkivi thekson se investimet në restaurimin e filmave janë thelbësore për mbrojtjen e trashëgimisë kulturore, duke bërë të mundur që veprat ikonike të kinemasë shqiptare të vazhdojnë të jenë të aksesueshme dhe të vlerësohen edhe nga brezat e ardhshëm. A.K./TemA
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mos shkruani marrezira, te tipit filmi Guximtaret si pjese e trashgimise kinematigrafike dhe shume i dashur per shikuesit! Kam mendimin si gazetari nuk e ka pare kete film. Eshte nga prodhimet me te dobeta te kinematografise shqiptare! Askush ne te sotmen, dhe ca me pak ne te nesermen nuk e shikon kete film. Merrini nje mendim edhe Gjergj Erebares, po te doni!