Te fundit
Ernest Koliqi: Shqiptarve u pëlqen politika e kafehaneve...
21 Shtator 2025, 11:43Kulturë
TEMA
Shqiptarve, përgjithësisht, u pëlqen politika. Jo aqë ajo qi me ânë të nji përpjekjeje vepruese ka qellim ndertues, por ajo qi shfren në bisedime tue ndejë në kafehane ase rreth nji tryeze shtrue me pije e meze. Mbush e derdh… Vizató e shlyej situata…
Naltësó e zbrit persona, grupe, shtete, kontinente… Fundi? Sejcili shkon në shtëpí të vet pa ndërrue mendim, i bindun se ai vetëm ká në xhep të vertetën. Deri sa këto bisedime, rëndom të thata e të shtërpëta, janë nji mjet me kalue kohën dhe me hjekë mërzí, hajdedeh!; porsé mjerisht ndodhë shpesh qi aty me pohime të kota e shum lehtësisht cenohen vlera të çmueshme dhe mbillet fara e dyshimit qi pengon nisma të dobishme.
Fjalë e foli… Dikush hjedh në pije a n’inad e sipër nji mendim të përcipët, nji gjikim të shtrêmbët, nji trillim pá themel: fjala ecë, shtohet e lacarohet dhe hyn në grumbullin e legjendave, qi ndër né zêvendesojnë historín, d.m.th. vargun e ngjarjeve të dokumentueme.
Kur nji legjendë krijohet, s’ká dokument qi e përgënjeshtron. Fjalë e foli…
Dhe kështu ecim, politikisht, në nji tymnajë thânethashash pa krye dhe pa bisht, ku çdo Shqiptar krijon nji Shqipní mbas qejfit të vet, qi s’ka kurrnji lidhje me botën reale.
E kënaqet sepse në kët Shqipní, sendërgjue prej fantazís s’ethun, ai e njehë veten të parë, âsht vetë Alí e vetë Kadí, mposhtë me mend ata qi i bâjnë hije dhe zgjâhet tue andrrue (në kllapí madhështore) nderime e shpërblime qi nuk barasohen kurrsesí me vleftën e tij morale e intelektuale.
(Ernest Koliqi, Shêjzat, 1972, nr. 5-8, f. 147)
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sigurisht, politikane nuk behet ne kafeneje, por ne zyra, sidomos ia vlen kur politika behet ne zyrat e fashizmin. Sot Jane me shume te preferuar edhe Ne Europe. Vetem Ata Nazistet Jane pak mbrapa. Por shpresojme, se do te vije dita te bejme politike e Europe's se BASHKUAR, enderres so ne te hereshme. Tani puqemi edhe me Trapin, ne strategji.
Shqiptaret kurre nuk i ka pytur kush per politikat e Botes as atehere e as tani e ata te vegjel si komb, te varfer ne ekstrem, te pakulturuar e te pa arsimuar mire te kafja gjejne veten duke u matur me hijen e mengjesit e duke fol pa fund lloqe per gjeopolitike e botes
Ti duhet te ishe varur ne mes te Tiranës ashtu siç u varën ne gjith botën bashkpuntorët e nazizmit.
Pune fashistesh qe guxojne e japin mend. Kujtojne se ka ardhe prape dita e tyre.