Te fundit
Eurovizioni në krizë? Pesë vende bojkotojnë garën për shkak të Izraelit
15 Maj 2026, 10:10Kulturë
TEMA
Edhe këtë vit Eurovisioni po shoqërohet me polemika të ashpra.
Pavarësisht se feston 70-vjetorin, festa është shoqëruar nga debati i fortë rreth pjesëmarrjes së Izraelit.
Teksa delegacionet janë mbledhur në Austri, pesë vende mungojnë: Islanda, Irlanda, Holanda, Sllovenia dhe Spanja kanë vendosur të bojkotojnë evenimentin.
Polemika ka nisur që nga tetori 2023, kur qeveria izraelite filloi operacionin ushtarak në Gazë.
Gjatë edicioneve të fundit në Malmö (2024) dhe Bazel (2025), protestuesit anti-Izrael mbushën rrugët, ndërsa pjesëmarrësit izraelitë u shoqëruan me roje të armatosura.
Disa vende akuzuan se votimi publik u ndikua drejtpërdrejt nga kryeministri izraelit Benjamin Netanyahu dhe kanalet zyrtare të qeverisë, të cilat bënë thirrje publike për të votuar për këngën izraelite – një hap i pazakontë për një qeveri, transmeton BBC.
Në nëntor të vitit të kaluar, disa shtete u përpoqën të detyrojnë një votim për përjashtimin e Izraelit nga gara.
Pas dështimit të propozimit, u tërhoqën vende si Spanja (një nga mbështetësit më të mëdhenj financiarë të Eurovisionit) dhe Irlanda, shtatë herë fituese e garës.
Kjo situatë ka lënë fansat e Eurovisionit në një dilemë të vërtetë: mes dashurisë për spektaklin muzikor dhe shqetësimit për çështjet politike që e rrethojnë atë.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ēshtē e vērtet qē kēnga e Shqipēris i kushtohet mbretēreshēs sē ndjerē Elisabeth II.
Cfare thua o derezi?
bot
Në Eurovizion nuk fiton më prej vitesh kënga apo zëri më i mirë. Eshtë i gjithi politikë dhe miqësira. Në vend të këngëve shumë cilësore sic ishin me thënë të drejtën Franca dhe Australia që e kanë hak fitoren, do fitojë në fakt ndonjë dhjaks palaco si Greqia apo Qipro që tundin sumën në skenë dhe recitojnë si qukapik. Eurovizioni nuk është më art. Eshtë politikë dhe cirk.
Cudi si nuk ka bojkotuar superfuqia Albanistan per vellezerit palestineze.
Performanca jone dukej si kult per Rajmonda Bulkun
Festivalet kanë katandisur mos më keq.Dalin në skenë të veshur mos më keq si të egër këngë mizerje që skanë asnjë lidhje me muzikën.Bota sot ska më moral vetëm imoralitet...
Kengetari, per te qene me afer permbajtjes, duhet te ish me ndjenjesor, duke ngritur, jo uluritur, tonet e kenges.kurse prezenca e nenes ne skene ishte goxha kaba.Do te ish me shume efekte,qe prtreti i saj te cfaqej nga larte ne forme ikone.