Fëmijët në festë para “Migjenit”, provat gjenerale të Festivalit mbushin sheshin me tinguj muzike

Në mbrëmjen e së enjtes, sheshi para Teatrit “Migjeni” në Shkodër u mbush me tinguj muzike, ngjyra dhe gëzim fëmijësh, teksa u zhvilluan provat gjenerale të Festivalit të 63-të të Këngës për Fëmijë.

Kori i fëmijëve të festivalit solli një atmosferë të ngrohtë dhe emocionuese, duke sjellë në skenë energjinë e pastër dhe të gëzueshme që vetëm zëri i tyre mund të dhurojë.

Vetëm pak orë para nisjes së festivalit, që do të transmetohet drejtpërdrejt në RTSH, provat finalizuese vijuan në sheshin para Teatrit “Migjeni”.

Artistët e vegjël, të mbështetur nga prindërit dhe stafi organizator kanë vijuar përgatitjet e nevojshme.

“Si çdo vit, por edhe këtë vit kemi një repertor goxha të mirë. Ndryshe nga vitet e tjera kemi 29 këngë. Kemi pasur një fluks të jashtëzakonshëm të kompozitorëve që marrin pjesë në garën për t’u kualifikuar, për të qenë pjesë e Festivalit,” tha dirigjenti Ermir Zoga.

“Kemi shumë postera të bukur, shumë reklamë. Do të fillojmë të bëhemi më aktivë edhe në rrjetet sociale, që t’i shihni dhe t’i pëlqeni,” u shpreh Jeta Alija, koordinatore e Festivalit të Fëmijëve.

Festivali i Këngës për Fëmijë në Shkodër është një traditë që vazhdon të përcjellë vlera muzikore dhe emocione të bukura brez pas brezi. Edhe këtë vit, ai vjen si një ngjarje që i jep jetë qytetit dhe përforcon rolin e artit në rritjen dhe edukimin e fëmijëve.

/RTSH/

Nis sot Festivali 63 i Këngës për Fëmijë, producentja ekzekutive zbulon anëtarët e jurisë dhe mënyrën e votimit

17:50 Kulturë

INTERVISTA/ Flet Marius Dobresku: Ismail Kadarenë e kam të afërt, e kisha profesor në fakultet! Kam përkthyer 33 veprat e tij! Komunitet shqiptar në Rumani? Nga 30 mijë, kanë mbetur vetëm 650

17:46 Kulturë

VIDEO/ Kumbaro: “Gjiroclassica”, festivali muzikor mes kalldrëmeve e historisë

17:31 Kulturë

Noizy koncert me DJ të famshëm në botë, Ristani: Një nga aktivitetet më të mëdha të vitit

17:30 Kulturë

“Letrat që nuk më dërgove kurrë”, prezantohet në Qendrën e Librit dhe Leximit

17:18 Kulturë

“Gjuha Mëmë”, laboratori teatror shkoi në tre qytete për Javën Kulturore Evropiane

16:17 Kulturë

Parku Arkeologjik Shkodër vizitohet çdo ditë nga qindra turistë

15:15 Kulturë

Tre burra nën një çadër

14:13 Kulturë 5 komente

Shenjat monumentale të artistëve Arben Bajo e Sadik Spahija! Plazmimi i tekstilit në material të rëndë shndërrohet në një shenjë të fuqishme identiteti nën daltën e tyre

13:11 Kulturë

Të huajt vërshojnë në Tiranë për koncertin e “Keinemusic”

12:33 Kulturë