KOSOVA/ "Kamarja e turpit" premierë me datë 19 Mars në Teatrin Kombëtar të Kosovës

Në Teatrin Kombëtar të Kosovës me datë 19 Mars në orën 20:00 do çelet premiera e “Kamares së turpit” me dramatizim nga Doruntina Basha dhe regji nga Kushtrim Koliqi. Në role kryesore Adrian Morina, Armend Smajli, Ylber Bardhi dhe Gresa Pallaska.

Ky është dramatizim i suksesshëm i librit të Ismail Kadare dhe është pjesë e asaj që nga studiuesit e veprës së tij quhet si “Pashallëqet e mëdha”, projekt i cili rrëfen një pjesë të historisë së Perandorisë Osmane, një pjesë të historisë  së Shqipërisë në Perandorinë Osmane dhe gjurmon pjesëza interesante nga mitet e vogla por tërheqëse që lindën gjatë periudhës së okupimit. Sigurisht që Kadare letrarizon por as nuk gënjen. “Qorrfermani” apo “Pallati i ëndrrave” trajtojnë tematika të ngjashme sikurse tregimi te “Vjedhja e gjumit mbretëror” për ndërtimin e xhamisë së Shën Sofisë.

Është pjesë e gjenisë së Ismail Kadare që ai të pikasë këto minihistori nga makrohistoria osmane dhe shqiptare për tia dhuruar lexuesit si tokrendje në mënyrë që të plotësojë kuriozitetin e tij në lidhje me këtë pjesë ndryshe shumë pak të ndriçuar të historisë sonë, të asaj historie që kemi të përbashkët me perandorinë Osmane. Ndoshta mund të jetë dhe një shmangie e qëllimshme që bën autori nga komunizmi ynë, për të çlodhur veten dhe publikun deri diku nga dhuna sistematike e Hoxhës. “Kamarja e turpit” trajton edhe me humor kështu periudhën osmane ashtu si alegoria përdoret te "Pallati i ëndrrave" ironia përdoret te "Kamarja".

Ashtu si te “Kështjella” personazh është një pasha, por këtë herë një pasha me emër të përveçëm. Ali Pashë Tepelena, i ngujuar në kalanë e vet kërkohet për tu vrarë nga sulltani si rebel. Në fakt ai po shfrytëzon situatën historike sepse Perandoria Osmane ka filluar të dobësohet ngaqë shtetet në përbërjen e saj kanë filluar përpjekjen për pavarësi. Sulltani do të bëjë çdo gjë për ta penguar këtë dhe për të penguar Ali Pashain të kthehet në simbol të kryengritjes.A.K./TemA

Kastriot Tusha sjell në Teatrin e Operas dhe Baletit projektin e ri

08:31 Kulturë

Akademia e shkencave ka përkujtuar ditën e djeshme Naum Priftin

08:07 Kulturë 1 koment

Për zbulimin e radhës të paditurisë (injorancës)

19:49 Kulturë 88 komente

Ismail Kadare kandidohet për çmimin Booker

10:02 Kulturë 1 koment

Oscars 2024 janë më të ndjekurit në katër vitet e fundit

09:00 Kulturë

Akademia e Filmit dhe Multimedias Marubi shfaq të mërkurën filmin "Chien de la Casse"

08:59 Kulturë

Akademia e Shkencave shpall sot rezultatet e konkursit për Akademinë e të rinjve

08:50 Kulturë 2 komente

Shfaqet dokumentari "Trup për turp" në Shkodër dhe Vlorë

08:36 Kulturë

Gjuha shqipe dhe identiteti i saj

08:22 Kulturë 8 komente

Akademia e Shkencave organizon sot konferencën shkencore "Naum Prifti, mjeshtër i prozës së shkurtër"

08:16 Kulturë