Në Komisionin për Kulturën prezantohet projektligji i propozuar nga deputetja Ina Zhupa

Në Komisionin për Kulturën, Turizmin dhe Diasporën u prezantua Projektligji “Për Institutin e Studimeve për Krimet dhe Pasojat e Komunizmit në Shqipëri”, të ndryshuar, një propozim i deputetes Ina Zhupa.

Zhupa u shpreh se kjo nismë ligjore ka për qëllim harmonizimin e përkufizimeve ligjore me dokumentet zyrtare arkivore, duke zëvendësuar emërtimet popullore ose jozyrtare të organeve të diktaturës komuniste me emrat e tyre të saktë historikë. Ky saktësim synon të lehtësojë punën kërkimore të ISKK duke u garantuar studiuesve qasje më të saktë në fondet përkatëse të arkivave shtetërore.

“Ndryshimet e parashikuara janë në katër nene, me objektiv kryesor përmirësimin e përkufizimeve ligjore me organet e diktaturës komuniste. Në ligjin ekzistues kishte terma që nuk ishin gjuha zyrtare formale e kohës por gjuha e përditshme e tyre. Shumë e vështirë të pasqyrohen në fondet arkivore zyrtare. Iu duhen termat e saktë që të aksesojnë me leje në fondet e sakta arkivore”, u shpreh Ina Zhupa.

Në cilësinë e propozueses ajo kërkoi përcaktimin e qartë të statusit institucional të ISKK-së si një organ i pavarur që raporton drejtpërdrejt në Kuvendin e Shqipërisë, duke hequr termin “qendror” që e klasifikon si pjesë të administratës qendrore.

“Në zbatim të ligjit aktual shpërblimi i anëtarëve të bordit dhe këshillit shkencor është përcaktuar me vendime të përgjithshme të Këshillit të Ministrave. Kjo ka krijuar një trajtim të pabarabartë dhe jo koherent me statusin e pavarur të ISKK. Ndryshimi propozon që shpërblimi të lidhet drejtpërdrejt me ligjin 9584/2006, akt horizontal që rregullon shpërblimet e institucioneve të pavarura që raportojnë në Kuvend, duke garantuar unifikim me të tjerat dhe barazi në trajtim”, u shpreh Zhupa.

Në përfundim të fjalës së saj ajo siguroi që të gjitha këto ndryshime nuk sjellin asnjë kosto shtesë për buxhetin e shtetit.

Pas diskutimeve, komisioni arriti dakordësinë që projektligji në fjalë t’i dërgohet për mendim Këshillit të Ministrave. A.K./TemA

Mbahet festivali “Më ço në fshatin tënd” në Dropull

11:18 Kulturë 1 koment

U mbajtën homazhe për ikonën e humorit Todi Llupi

09:15 Kulturë 3 komente

Gonxhja: Në mbledhjen e qeverisë, u miratua sot vendimi “Për procedurën e shpalljes publike të pasurive kulturore që zbulohen në det”

20:15 Kulturë

AQSHF ka përfunduar restaurimin digjital të filmit artistik "Guximtarët"

17:59 Kulturë 3 komente

Sekreti shqiptar i “Odisesë” së Christopher Nolan: Kolona zanore e filmit të shumëpritur u frymëzua nga iso-polifonia labe

16:05 Kulturë 10 komente

Simfonia e 9-të e Beethovenit ngjitet në skenën e TKOB

15:06 Kulturë 2 komente

Muzeu Marubi me nisma të reja, mirëpret përvoja ndërkombëtare mbi librin fotografik

13:03 Kulturë

Përtej kronologjisë, dialogët e koleksionit në Galerinë Kombëtare të Kosovës

12:01 Kulturë

Mitropolia e Gjirokastrës do restaurohet

11:01 Kulturë 1 koment

Në mjediset e Ministrisë së Turizmit, Kulturës dhe Sporteve inagurohet instalacioni artistik i Ergys Krisiko

09:00 Kulturë