Te fundit
PIKTURA E DITËS: "Lugina e Fanit të Vogël"- Peizazh vjeshte nga mjeshtri Pjetër Marku
28 Dhjetor 2025, 16:12Kulturë
TEMA
Piktura “Lugina e Fanit të Vogël” e Pjetër Markut paraqet një peizazh vjeshte të datës 3 nëntor 2025. Vepra fokusohet në zonën e Ndërfanës, me malet e Gëziqit në sfond dhe elemente simbolike si kodra e varrit të Marka Brungës.
Ngjyrat e ngrohta të vjeshtës dhe drita natyrore krijojnë një atmosferë qetësie dhe kujtese. Piktura është realizuar me vaj në kanavacë, me përmasa 50 x 60 cm, duke reflektuar lidhjen e autorit me vendlindjen dhe peizazhin verior.
Pjetër Marku ka lindur më 24 mars 1947 në Shëngjin Fanë të Mirditës. Ai ka kryer studimet në Institutin e Lartë të Arteve në Tiranë, dega pikturë, ku u diplomua në vitin 1973. Gjatë jetës së tij profesionale ka punuar si mësues dhe pedagog i artit në disa qytete të Shqipërisë.
Ka ushtruar edhe funksione drejtuese kulturore, përfshirë Drejtor i Qendrës Kulturore dhe përgjegjës i Muzeut Historik në Mirditë. Marku ka qenë anëtar aktiv i LSHA-së dhe drejtues i degëve të saj në Kukës dhe Mirditë.
Ai ka themeluar dhe drejton disa institucione kulturore, përfshirë Shoqërinë Kulturore Artistike dhe Akademinë e Artit, Shkencës dhe Letrave Mirdita. Është gjithashtu Drejtor i revistës “Mirdita”, e shpërndarë në dhjetëra vende të botës. Pjetër Marku ka marrë pjesë në shumë ekspozita kolektive dhe ka hapur dhjetëra ekspozita personale brenda dhe jashtë Shqipërisë. Veprimtaria e tij artistike dhe kulturore shtrihet në disa vende të Evropës dhe SHBA-së. /MAPO/
Më të lexuarat
24 oret e fundit
Javen e fundit
Blog Tema
Lini një Përgjigje