Te fundit
Shuhet Prof. Dr. Bashkim Ruseti, figurë e shquar e arsimit shqiptar
28 Maj 2025, 18:43Kulturë
TEMA
"Shuhet Prof. Dr. Bashkim Ruseti, figurë e shquar e arsimit shqiptar
Eshtë ndarë nga jeta Prof. Dr. Bashkim Ruseti, një nga figurat e spikatura të arsimit të lartë shqiptar dhe kontribues i rëndësishëm në zhvillimin e matematikës dhe informatikës në vendin tonë.
I diplomuar në Matematikë në vitin 1965, Prof. Ruseti ka dhënë një kontribut të vazhdueshëm për më shumë se tre dekada në mësimdhënie dhe në zhvillimin e programeve të studimit. Ai ka qenë një ndër pionierët e informatizimit të arsimit të lartë në Shqipëri dhe ka ushtruar detyrën e pedagogut, që nga viti 1967, në Fakultetin e Shkencave të Natyrës dhe Fakultetin e Ekonomisë, në Universitetin e Tiranës.
Në karrierën e tij akademike, Prof. Ruseti mbrojti gradën “Doktor i Shkencave” në vitin 1982 dhe fitoi titullin “Profesor” në vitin 1994. Gjatë gjithë punës së tij, ai u dallua për profesionalizëm, përkushtim dhe qetësi në komunikim, duke ndikuar ndjeshëm në formimin e shumë brezave studentësh.
Universiteti i Tiranës i shpreh ngushëllimet më të sinqerta familjes dhe kolegëve për humbjen." - shkruan Dr. Artan Hoxha në fb, rektor i UT.
A.K./TemA
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
NGUSHELLIME FAMILJES DHE TE DASHURVE TE TIJ
Ngushellimi familjes Ruseti per ndarjen nga jete te njeriut te tyre me te dashur profesorit tim te nderuar Bashkim Ruseti.Respekt te vecante per jeten e tije si petagog ne fakultetin e ekonomise e ne te gjithe institucinet e tjera te larta te sistemit te larte arsimore. Me respekt nje ish studenti juaj i viteve 1974 - 1978.
Ngushellime familjes per pedagogun e nderuar te respektuar dhe fisnik ,zotin Bashkim Rusetin .Qofte i parajses.