Sot, në ditëvdekjen e shkrimtarit

Si sot plot dyzetë e pesë vjet më parë ndërroi jetë në Parisin e dritës filozofi francez Zhan Pol Sartr, filozofi që refuzoi çmimin Nobel.

Ai njihet më së shumti për militantizmin e tij të majtë dhe të pakompromentuar kundër pushtetit por dhe për ateizmin e tij të skajshëm.

Përgjatë gjithë jetës ai mbajti një fejesë të hapur me bashkëekzistencialisten dhe shkrimtaren Simone De Beauvoir duke bashkëpunuar ca kohë dhe në redaksinë e të famshmes franceze "Le Temps Modernes" ashtu si me M.Merleau-Ponty.

Pjesëmarrës i zellshëm gjatë Majit 68 në Paris dhe një prej aktivistëve më të zjarrtë ai dhe u arrestua atëkohë për shpërndarje fletushkash.

E shpëton De Goli me shprehjen tashmë të pavdekshme "nuk arrestohet Volteri". Dhe, vërtet,  Sartri ishte një "ardhje e dytë" e Volterit. "Ekzistencializmi është humanizëm", vepra e tij më prezantuese e tregon qartë këtë.

Ai u njoh për kundërshtitë dhe talljet që i bën normave borgjeze të kohës por jo vetëm. Ai, ashtu si kolegu dhe rivali Albert Kamy, u njoh për më shumë se humanizmin e vet, ai kërkonte një liri absolute për qenien njerëzore.

Komunist por edhe shkrimtar, ai njihet për vepra dramatike ku ai është më artistik si "Duar të ndyra", "Mizat", "Putana e respektueshme" dhe të tjera, por dhe veprat filozofike ku ai është më politik si "Kritika e arsyes dialektike" dhe "Qenia dhe hiçi".

Kryevepra e tij letrare mbetet triologjia "Rrugët e lirisë" ardhur mjeshtërisht në shqip nga Diana Çuli por nuk mbetet mbrapa as autobiografia e tij "Fjalët" që e ka prurë për lexuesin shqiptar mjeshtri Edmond Tupja.

"Një shkrimtar se lë veten të bëhet institucion", ky ishte motivimi me të cilin ai refuzoi çmimin Nobel, duke u bërë i vetmi që e refuzoi me dëshirë, Pastërnakun e shkretë e detyroi Stalini.
Por jo vetëm kaq. Ai, pas kësaj ndodhie u fsheh disa javë nga shtypi në fshat.

Sartri lindi dhe jetoi i lirë! Kompliment më të madh nuk mund t'i bëjmë...

Shkrimtari kroat Miljenko Jergović mbi shkrimtarin hebraik Filip David, i cili ndërroi jetë dje në Beograd

19:28 Kulturë

Më 15 prill 1931 lindi poeti suedez, fitues i çmimit nobel, Thomas Transtromer

19:18 Kulturë

Filmat e rinj të kinematografisë italiane në kinema “Millennium”

18:15 Kulturë

Jup Kastrati, personaliteti i shkencave albanologjike

17:51 Kulturë 1 koment

Të dëshirosh në këmbë

17:21 Kulturë

Udhërrëfyesit kulturorë trajnohen për ture të specializuara për vizitorët e verbër

16:04 Kulturë

E Marta e Madhe, Shërbesa II e Dhëndrit/ Kryepiskopi Joan: Fjalët e Zotit na çojnë drejt dritës dhe shpëtimit

14:50 Kulturë 2 komente

Grupi “Silesianie” hap Javën Kulturore Polake

14:44 Kulturë 2 komente

Panairi Mbarëkombëtar i Librit Akademik dhe Shkencor

14:13 Kulturë

Inspektohet Banesa Mak Haxhistasa për hartimin e një projekti restaurimi

13:02 Kulturë 2 komente