Te fundit
10-vjeçari nga SHBA qëllon për vdekje me armë zjarri të ëmën sepse nuk i bleu kufjet online
2 Dhjetor 2022, 12:30Lifestyle
TEMA
Një djalë 10-vjeçar qëlloi për vdekje nënën e tij në shtëpi pasi ajo refuzoi t’i blinte kufjet që ai dëshironte, sipas prokurorëve.
Vrasja ka ndodhur në Milwaukee, Wisconsin, SHBA dhe djali ndodhet në një qendër paraburgimi për të mitur pasi u akuzua si i rritur.
Prokurorët thonë se djali hyri në llogarinë e nënës së tij “Quiana Mann – Amazon” dhe porositi kufjet një ditë pasi e vrau.
I riu fillimisht i tha policisë se ai e mori armën nga dhoma e gjumit e mamasë së tij rreth orës 7 të mëngjesit më 21 Nëntor përpara se të shkonte në bodrumin, ku ajo lante rrobat dhe filloi të rrotullonte armën rreth gishtit të tij.
Ai tha se arma më pas u shkrep, duke goditur mamanë e tij. Ai i tregoi motrës së tij më të madhe, e cila thirri autoritetet, sipas Milwaukee Journal Sentinel.
Megjithatë, vetëm një ditë më vonë, ai ndryshoi historinë e tij, ku pranoi para policëve se i drejtoi qëllimisht pistoletën nënës së tij.
Përveç porositjes online të kufjeve një ditë pas vdekjes së të ëmës, ai sulmoi kushëririn e tij shtatëvjeçar.
Tezja e tij tha se djali kërkoi falje por pa ndjeshmëri apo dhembshuri.
“Më vjen shumë keq për atë që ndodhi. Më vjen keq që vrava nënën time”, ka thënë 10-vjeçari.
Pasi u intervistua përsëri nga policia, ai u tha atyre se e drejtoi armën drejt nënës së tij dhe u përpoq të qëllonte në mur për ta “frikësuar”, por e goditi pasi ajo doli para tij.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
keshtu edhe ndodh kur edukimin e femijeve e kane mare me dore fejsbuku, tik toku, snapçati e lojrat me kalashnikov amerikan. Nenat qe i pollen e kane mendjen se si te qethin leshte e bubit
Mamaja si e le pistoleten ne ate menyre? Arma e zjarrit gjithmone duhet ruajtur e mbyllur ne kasaforte, me municionin e ndare larg. Madje ne SHBA ky eshte ligji qe duhet kur leviz me armen midis shteteve, pra dhe qeveria e rekomandon. NQS armen e ke per vetembrojtje dhe duhet ta mbash te mbushur, duhet te jete ne nje vend qe femijet nuk e dine, dhe madje nuk e arrijne (pra me kyc, ne lartesi, etj). Gjithashtu te jete me kembez DA/SA ose me siguri manuale qe nje femije nuk e operon dot pa e njohur armen.