Te fundit
Kiefer Sutherland dyshohet se goditi dhe tentoi të mbyste një shofer, dalin detaje shokuese
20 Janar 2026, 17:01Lifestyle
TEMA
ktori i njohur amerikan Kiefer Sutherland është vënë sërish në qendër të vëmendjes, këtë herë për një incident të rëndë që ka çuar në arrestimin e tij në Los Angeles.
Ngjarja ndodhi më 14 janar dhe përfshiu një shofer që ofron shërbime transporti përmes një platforme dixhitale, ndërsa autoritetet kanë nisur të zbulojnë detaje shqetësuese mbi atë që dyshohet të ketë ndodhur.
Sipas burimeve policore të konfirmuara për ABC News, Sutherland akuzohet se ka ushtruar dhunë fizike ndaj shoferit, duke e goditur disa herë dhe duke tentuar ta mbyste, ndërkohë që automjeti ishte ende në lëvizje.
Shoferi ka deklaruar se, i frikësuar për jetën e tij, ka braktisur makinën dhe është larguar me vrap për t’i shpëtuar aktorit. Fatmirësisht, sipas informacioneve zyrtare, shoferi nuk ka pësuar lëndime që kërkonin trajtim mjekësor.
Megjithatë, dëshmitarët e incidentit, i cili raportohet të ketë ndodhur më 12 janar, kanë pohuar se aktori ishte nën ndikimin e alkoolit në momentin e sulmit dhe se shoferi kërkonte ndihmë ndërsa përpiqej të largohej.
Policia ka bërë të ditur se në automjet ishte e instaluar një kamerë sigurie, e cila mund të ketë regjistruar pamje kyçe të incidentit dhe që pritet të luajë një rol të rëndësishëm në hetimet e mëtejshme.
Edhe pse ende nuk janë ngritur akuza zyrtare, Zyra e Prokurorit të Qarkut të Los Angelesit ka konfirmuar se çështja është në shqyrtim dhe se akuzat mund të ngrihen muajin e ardhshëm, pas paraqitjes së planifikuar të aktorit në gjykatë.
Kiefer Sutherland u arrestua me dyshimin për kërcënime serioze dhe u lirua nga paraburgimi pasi pagoi një garanci prej 50 mijë dollarësh. Ai pritet të paraqitet para gjykatës më 2 shkurt, ndërsa rasti vazhdon të hetohet.
Më të lexuarat
24 oret e fundit
Javen e fundit
Blog Tema
Lini një Përgjigje