Te fundit
Rekord botëror: Qyteti ku për një vit, nuk ka ndodhur asnjë vdekje nga aksidentet
4 Gusht 2025, 09:50Lifestyle
TEMA
Helsinki nuk ka shënuar asnjë vdekje në aksidente rrugore në 12 muajt e fundit. Ky është një rekord botëror që ka shënuar kryeqyteti finlandez, ku vdekja e fundit në aksident rrugor ishte në fillim të korrikut 2024.
Kjo vjen pavarësisht faktit se Helsinki, i cili me 650.000 banorët e tij është shtëpia e mbi një të dhjetës së popullsisë së Finlandës, vitin e kaluar pa një numër rekord turistësh: 4.5 milionë qëndrime brenda natës, të cilat kontribuan në mbipopullimin e rrugëve të qytetit.
Kryeqyteti finlandez i kishte vënë vetes qëllimin për zero vdekje në rrugë deri në vitin 2050 dhe vitet e fundit ka zbatuar një sërë politikash të sigurisë rrugore që kanë rezultuar vendimtare, duke filluar me kufirin e shpejtësisë prej 30 km/orë në shumë zona të qytetit.
“Shumë faktorë kontribuan në këtë rezultat, por kufijtë e shpejtësisë janë ndër më të rëndësishmit”, tha për faqen finlandeze të internetit Yle, Roni Utriainen, inxhinier trafiku në Departamentin e Mjedisit Urban të qytetit.
Sot, mbi gjysma e rrugëve të Helsinkit kanë një kufi shpejtësie prej 30 kilometrash në orë, pasi tradicionalisht, kufiri ishte 50, dhe me fillimin e vitit shkollor, kufiri do të shtrihet në të gjitha rrugët pranë shkollave të të gjitha niveleve.
Rekordi i kryeqytetit finlandez është aktualisht unik, por efektet e uljes së shpejtësisë në vdekshmërinë nga aksidentet rrugore tani janë të njohura.
Por kufizimet e shpejtësisë nuk janë të mjaftueshme për të arritur rezultatet e Helsinkit.
“Projektimi i rrugëve ka luajtur një rol themelor. Në vitet e fundit, infrastruktura për këmbësorë dhe çiklistë është përmirësuar ndjeshëm. Për më tepër, bashkëpunimi me policinë e trafikut është intensifikuar dhe janë futur më shumë kamera mbikëqyrjeje dhe sisteme automatike kontrolli”, shpjegon faqja e internetit e Yle.
Kontribut kanë pasur edhe sistemet e përmirësuara të sigurisë së makinave dhe fakti që qyteti i inkurajon njerëzit të mos i përdorin.
“Transporti publik në Helsinki është i shkëlqyer, gjë që zvogëlon përdorimin e makinave dhe rrjedhimisht, numrin e aksidenteve të rënda”, shpjegoi inxhinieri i trafikut Utriainen.
Rezultati është se në 12 muajt e fundit, ka pasur vetëm 277 aksidente rrugore me të lënduar dhe pa vdekje.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Do e marrin “ specialistet” tane e do e bejne 20km ne ore…edhe me kembe te ecim ne, prap do kete aksidente. Tani te flasim njecik seriozisht. Eksperti filandes nuk ka permendur ( nul eshte pyetur)qe shtyllat e ndricimit te rrugve jane plastike, ne menyre qe nqs makina godet shtyllen ajo te perkulet dhe te mos krijoje grope mbi makine( koken e shoferit-pasagjerit) . Rruget(disa) jane me ngrohje. Njerzit ecin si njerez… kalojne rrugen ne grup dhe KTHEJNE KOKEN E JO TELEFONIN NGA SHOFERI, ne menyre qe shoferi te informohet nga kembesori qe DUAN te kaloje rrugen. Por kane nje te keqe te madhe filandezet, kur shikojne femije ne trotuar ulin shpejtesine, sigurohen qe femija do te kaloje rrugen dhe e sinjalizojne qe te kaloje me siguri, ose thene ndryshe te kaloje pa frike. Kjo eshte e keqja e madhe se po nuk shtove shpejtesine kur kalon femija, ata nuk do friksohet kurre. Madje ta prekin dhe pak pasqyrat eshte idealja. Po nuk u dhe femejeve dhe pleqve frike, nuk shtyher dita. Der sa te arrime nivelet e finlandes, mos harroni: te gjithe policat ne autostrade se aty ka gjoba. Asnje neper lagje!!! Dhe akoma me seriozisht per ndonje “ ekspert “ tonin qe do e lexoje. Vellla, mos harro se edhe me 30km/ore qe ecen filandezi, pershkruan ne kohe me te paket kilometrat se ne ne tirane. He tu befsha, te kam xhan, po te mesosh ti qe pronari,drejtori nuk ka te drejte ti kerkoje llogari punonjesit nqs vonohet ne pune per shkak trafiku, mos me pesosh ndonje damlla he dermat. Pastaj po te te them se filandezi punos s’punon merr diku tek 6.000 euro me muaj dhe nuk ka arsye te stresohet ne trafik semos nuk vete dot ne orar ne pune apo te te them se nqs ankohet sikur edhe nje person qe filan rruge nuk eshte projektuar mire e per kete arsye mbidhet bashkia, rrugorja, ministrua, kam frike se mos ju bie ndonje damlla te gjithve e pastaj ngelimi pa “ specialista”