Te fundit
FOTO/ Nga Elvana Gjata te Bora Zemani, ja si po i kalojnë pushimet VIP-at shqiptarë! Momente virale dhe poza "hot"
27 Korrik 2026, 17:13Lifestyle
TEMA
Vera është në kulmin e saj dhe personazhet e njohur të showbiz-it shqiptar nuk kanë nguruar të ndajnë me ndjekësit pamje nga pushimet. Mes bregdetit shqiptar dhe destinacioneve luksoze, Instagrami është mbushur me foto plot diell, bikini dhe momente relaksi.
BORA ZEMANI
Moderatorja ka zgjedhur jugun e Shqipërisë për disa ditë pushimi. Krahas pozave elegante dhe sensuale me bikini, Bora ka ndarë edhe momente të ëmbla me djalin e saj, Arborin, duke treguar se vera për të është një kombinim perfekt mes relaksit dhe kohës me familjen. Fotot e saj kanë marrë mijëra pëlqime dhe komente, ku ndjekësit nuk kanë kursyer komplimentet për pamjen e saj.
OLTA GIXHARI
Edhe këtë verë, Olta Gixhari po shijon pushimet mes Spanjës dhe rivierës shqiptare. Aktorja ka publikuar disa fotografi me bikini, por nuk kanë munguar as momentet sportive në det, duke treguar se sportet ujore janë një nga aktivitetet e saj të preferuara gjatë sezonit.
TAYNA
Edhe pse vera për të është e mbushur me koncerte dhe angazhime, Tayna ka gjetur pak kohë për t'u shkëputur. Artistja ka ndarë disa poza verore, ku si gjithmonë bie në sy me stilin e saj provokues dhe paraqitjen plot vetëbesim.
AFËRDITA DRESHAJ
Prej vitesh jeton larg skenës shqiptare, por Afërdita Dreshaj vazhdon të jetë shumë aktive në rrjetet sociale. Fotot e fundit nga pushimet kanë tërhequr vëmendjen për elegancën dhe format e saj, ndërsa ish-modelja duket se po shijon disa ditë relaksi larg angazhimeve të përditshme.
ELVANA GJATA
Edhe pse sezoni veror për të është i mbushur me koncerte, Elvana Gjata ka gjetur kohë për disa ditë pushimi në jug të Shqipërisë. Këngëtarja ka ndarë disa momente argëtuese nga deti, ku nuk kanë munguar videot dhe fotot plot humor, përfshirë edhe ato ku shfaqet me një oktapod dhe një yll deti në kokë.
ZAIMINA VASJARI
Edhe Zaimina Vasjari po shijon verën pranë familjes. Këngëtarja ka publikuar disa fotografi nga jahti dhe plazhi, ku shfaqet në super formë, duke tërhequr vëmendjen me stilin dhe elegancën e saj.
Me poza sensuale, peizazhe mahnitëse dhe momente familjare, VIP-at shqiptarë po e bëjnë Instagramin edhe më "veror", ndërsa çdo postim i tyre po shoqërohet me mijëra reagime nga ndjekësit.
Më të lexuarat
24 oret e fundit
Javen e fundit
Blog Tema
Lini një Përgjigje