Te fundit
Georgina zbulon pasionin e ri të CR7, ja si po i shijon pushimet pas Botërorit
27 Korrik 2026, 09:55Lifestyle
TEMA
Cristiano Ronaldo duket se po shijon në maksimum pushimet pas angazhimeve me Portugalinë, ndërsa një sport tjetër po i tërheq gjithnjë e më shumë vëmendjen. Ylli portugez është parë duke kaluar kohë në fushën e golfit, në atë që shumë media e kanë cilësuar si pasionin e tij më të ri.
Ishte partnerja e tij, Georgina Rodríguez, ajo që ndau në Instagram një seri fotosh nga një ditë relaksi me familjen. Në pamjet e publikuara, Ronaldo shihet duke praktikuar goditjet me shkopin e golfit, ndërsa çifti dhe fëmijët kalojnë një ditë të qetë larg zhurmës së futbollit.
Sipas The Sun, dalja në fushën e golfit vjen si pjesë e pushimeve verore të çiftit, me Georginën që ndau momente nga dita e tyre familjare, të cilat u bënë shpejt virale në rrjetet sociale. Media britanike vëren se Ronaldo po shfrytëzon kohën e lirë për t’u relaksuar me familjen dhe për t’iu përkushtuar golfit, një aktivitet që duket se po zë një vend të rëndësishëm në ditët e tij jashtë futbollit.
Fotot morën menjëherë mijëra reagime nga fansat, të cilët komentuan se CR7 duket më i relaksuar se kurrë, ndërsa disa bënë edhe shaka se pas futbollit mund ta shohin një ditë në fushat e golfit.
Burimi: The Sun.
Më të lexuarat
24 oret e fundit
Javen e fundit
Blog Tema
Lini një Përgjigje