Te fundit
A do rikthehet Poliçani? Deklaratë nga NATO…
11 Mars 2024, 20:30Politika
TEMA
NATO synon ritjen e prodhimit të armëve, nisur nga konflikti në Ukrainë, por nuk është e qartë nëse kjo mund të çojë në riaktivizimin e linjave shqiptare, më saktë Uzinës së Poliçanit, siç është ngritur zëri në fundi, ngacmuar dhe nga rikthimi i Bazës së Kuçovës si bazë e NATO.
Agjencinë Telegrafike Shqiptare thotë se ka marrë një deklaratë nga zyra e NATO-s në Bruksel lidhur me këtë çështje, në të cilën thuhet:
“Rritja e prodhimit të armëve është një nga prioritetet kryesore të NATO-s. Siç tha Sekretari i Përgjithshëm i NATO-s, Jens Stoltenberg, në konferencën e tij për shtyp pas Takimit të Ministrave të Mbrojtjes të NATO-s në shkurt, diskutimet mes aleatëve vazhdojnë për rritje të prodhimit të municioneve.
Në mënyrë që të rimbushim rezervat tona dhe të vazhdojmë të mbështesim Ukrainën, ne duhet të kalojmë nga ritmi i ngadaltë i kohës së paqes, në prodhimin me ritëm të lartë të kërkuar nga konflikti. Për ta bërë këtë, prodhuesit kanë nevojë për kontrata të nënshkruara dhe vetëm në muajt e fundit, NATO ka rënë dakord për kontrata me vlerë dhjetë miliardë dollarë. Kjo ndihmon Ukrainën, e bën NATO-n më të fortë dhe ofron më shumë vende pune me aftësi të larta në Evropë dhe Amerikën e Veriut”.
Pra, në këtë deklaratë nuk ka ndonjë lajm mbi Poliçanin, aty ku gjatë kohës së komunizmit prodhoheshin arsenale ushtarake.
Megjithatë, siç citon ATSH, zyra e NATO-s në Bruksel thotë se ekspertët e saj janë duke vlerësuar mundësinë për të investuar në bazën detare të Durrësit, në Porto Romano.
“Në lidhje me Porto Romanon, ne mirëpresim ofertat e aleatëve për të pritur objektet e NATO-s. Ekspertët tanë shikojnë të gjitha ofertat e tilla dhe më pas japin këshilla bazuar në kërkesat ushtarake të Aleancës”, thuhet në deklaratë.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ku jane specialistet, si mund te veshe ne pune nje uzine pa lenden kryesore...!? Pralla per idijot te dobishem.
Bregdeti eshte vendi i duhur
Kur te rifutet ne pune Policani nuk do te kete me Ukraine, cfare do te behet me stoqet e saj, apo Shkerdheni i Saliut do te bashkepunoj me firmen MEKO te Ministrise se Mbrojtjes per t'i shitur keto armatimet ne Lindjen e Mesme me pagese te bere Pentagoni.
Do behen shume gorricat sivjet - tha ariu i sapo sgjuar nga gjumi qe quhet gjum letargjik. Po ku e di ti? - e pyeti arusha prane tij qe gjithashtu e sapozgjuar dhe shume e uritur. E di - the ariu - sepse me hahen mua. Ishte fillim Marsi. Nga fundi i muajit ariu ngordhi.
Paskan filluar te komentojne te njejtet njerez qe sabotuan industrine shqiptare, spiunet greko-serb. Specialistet shkollohen. Stoqet ruhen me dhjetera vite per 2 funksione: 1) si mase parandalimi, nuk te sulmon kush kur e di se ti je i armatosur 2) i shet kur te plase nje lufte tjeter sic kane plasur gjithmone luftra. A moret vesh o plera?