Te fundit
Astrit Patozi: Pse e refuzoj ftesën e Sali Berishës
28 Prill 2022, 18:58Politika
TEMA
Ftesën që Sali Berisha i bëri pak para mesnatës për t’u rikthyer në Partinë Demokratike, Astrit Patozi e përkufizon me një shprehje shkodrane: “m’ka çu nana me la gojën”.
Kështu e konsideron ish-kreu i partisë Bindja Demokratike, ftesën e Berishës, të bërë në mesnatës, në të njëjtën orë kur e larguan nga e djathta pesë vite më parë.
Në një intervistë për “Top Talk”, Patozi thotë se “problemi i PD-së sot është nëse do të kthehen apo jo ish-politikanët që janë larguar”.
Politikani shton se Partia Demokratike është jashtë vizionit të tij dhe nuk ka interes t’i bashkohet sërish.
“As unë nuk i duhem PD-së, por as PD nuk më duhet mua, është jashtë vizionit tim prej nëntë vitesh. Dhe unë kam qenë shumë koherent në gjërat që kam thënë që nëntë vite të shkuara dhe sot që po flasim”, tha ai.
Patozi kritikon politikën që po ndjek Sali Berisha, që natën e kaluar theksoi sërish se do të jetë kandidat në zgjedhjet për kryetarin e PD-së, që siç tha, mund të mbahen në datën 21 ose 22 maj.
“Unë nuk besoj te ky vizion politik, nuk besoj te pagabueshmëria e liderit, tek adhurimi i udhëheqësit, te konsiderimi i kundërshtarit/ të ndryshmit si armik. Unë nuk besoj që ata që bëjnë gabime të rënda apo e çojnë partinë në një kurs të gabuar, humbje pas humbjeje, ata janë dhe zgjidhja, ata mund ta çojnë në pushtet.
Ka shumë arsye që vizioni im politik nuk përputhet me Foltoren. Por unë besoj që dhe Foltores vetë, nuk i shtohet vlera nëse unë apo dikush tjetër rikthehet aty, qoftë dhe si dele e bindur, duke ulur kokën dhe kërkuar ndjesë.
Sot Foltorja ka nevojë për besnikë të verbër, për militantë që binden qorrazi, që kur i jep komandën sulmo, sulmojnë.
Nuk ka rëndësi nëse i njëjti njeri thotë dy gjëra të ndryshme për të njëjtën gjë. Foltores sot nuk i nevojiten njerëz që mendojnë, që vendosin arsyen përpara. Unë mesa duket këto vese i kam unë”, tha Patozi.
Megjithatë, Patozi thotë se e respekton ftesën, pavarësiht se e refuzon.
“E respektova se edhe mund të mos përgjigjesha: ata bëjnë sikur ftojnë dhe ne bëjmë sikur nuk dëgjojmë. Më shumë për të respektuar publikun, pasi unë kam një lloj detyrimi ndaj publikut”, tha Patozi.
PD është sot në kulmin e një krize të thellë, nga e cila duhet të ndahet një orë e më parë, shprehet ai.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Si do qe te jete,si do qe te kete qene,me ke ka qene ,,, dhe me ke eshte tani,,,, ky eshte nje mendje e pastruar ,per te vleresuar te keqen e ketij mileti.
Ik or koke loqe...ke ti detyrim te publiku. Cfare bere ti me kete detyrimin per publikun kur punoje akoma nen pelhuren e Sales??? Plera si ty e katandisen kete vend si mos me keq... Sala nuk I beri vetëm gjithe poshtersite. Me njerez si ty I beri dhe ju hodhi ne kosh kur nuk ishit me te nevojshme. Si dikur Enveri me me Hekuranet dhe Beqiret...
Nje qendrim plotesisht i drejte, qe me detyron te arsyetoj qe Astit Patozi ne te kaluaren nuk ka qene gjithnje nje "kubure" e verber ne doren e Sali Berishes, opinion ky qe fatkeqesisht vazhdon te dominoje ne opinionin tone, duke i ndare poziten dhe opoziten ne miq dhe armiq, dhe jo sic jane te vertete ne atdhetare qe kane aleternativa te ndryshme per zhvillimin e vendit e te demokracise. Sali Berisha eshte autori numur nje i kesaj fryme. Gjithcka qe ka thene me kete rast Patozi eshte e besueshme dhe tregon nivelin e tij prej politikani.
He mo patoz matralloz,mos ja prish saliut se ti e ke dash si kriminel historik... Edhe myslymi fshatari do kthehet me partine e tij,edhe zhelesfina me te bijen e azem heroit trafikant... Hajdarja eshte edhe amerikane dhe po bashkohet me non graten e jo ti qe ke pashaporte kavajoti.